ASP එරික් සම්බන්ධයෙන් යැවූ ලිපිය ගැන රාජ්ය අමාත්ය අරුන්දිකගේ ප්රතිචාරය
සහකාර පොලිස් අධිකාරී එරික් පෙරේරා පිළිබඳ පරීක්ෂණයක් පවත්වන්නැයි ඉල්ලා තමා යැවූ ලිපිය සහ ඔහුගේ මාරුවීම අතර කිසිදු සම්බන්ධයක් නොමැති බව රාජ්ය අමාත්ය අරුන්දික ප්රනාන්දු මහතා පවසයි.
ඒ, රාජ්ය අමාත්යවරයා විසින් අද (01) විශේෂ මාධ්ය හමුවක් කැඳවමින් ඒ බව පැවසීය.
මතභේදයට තුඩුදී ඇති අදාළ නිලධාරියාගේ ස්ථානමාරුව පිළිබඳ පුවත සම්බන්ධව ඔහු එහිදී ප්රතිචාර දැක්වීය.
සහකාර පොලිස් අධිකාරී එරික් පෙරේරා මහතා සහ වෙන්නප්පුව ප්රදේශයේ මත්ද්රව්ය ඇතුළු ජාවාරම් මැඬලීම සඳහා ඔහු පිහිටුවා තිබූ විශේෂ ඒකකයේ නිලධාරීන්ටද ස්ථාන මාරු ලබාදීම සම්බන්ධයෙන් මේ වනවිට රට තුළ දැඩි කතාබහක් නිර්මාණය වී තිබේ.
එම නිලධාරියා පිළිබඳ පරීක්ෂණයක් ඉල්ලා රාජ්ය අමාත්ය අරුන්දික ප්රනාන්දු මහතා යැවූ ලිපියක් සහ ඔවුන් දෙදෙනා අතර ඇති වූ සංවාදයක් සමාජ මාධ්යවල සංසරණය වූ අතර “අද දෙරණ“ එම පුවත ඊයේ (31) වාර්තා කළේය.
කෙසේවෙතත් මීට දින කිහිපයකට පෙර සිදු කෙරුණු ස්ථාන මාරුවට අනුව මේ වනවිට එරික් පෙරේරා මහතා මීගමුව සහකාර පොලිස් අධිකාරීවරයා ලෙස වැඩ භාරගෙන තිබේ.
