‘Rebuilding Sri Lanka’ යටතේ ජන ජීවිතය යථාවත් කිරීම පිළිබඳව සොයා බැලීමේ විශේෂ සාකච්ඡාවක් ජනපති ප්රධානත්වයෙන් ‘Rebuilding Sri Lanka’ යටතේ ජන ජීවිතය නැවත ගොඩනැගීම සඳහා දිස්ත්රික් මට්ටමින් සැලසුම් කෙරෙන වැඩපිළිවෙළ සහ එහිදි මතුව ඇති ගැටලු පිළිබඳ සොයා බැලීමේ විශේෂ සාකච්ඡාවක් ජනාධිපති අනුර කුමාර දිසානායක මහතාගේ ප්රධානත්වයෙන් ආරක්ෂක, කෘෂිකර්ම, වාරිමාර්ග, ජල සම්පාදන,ධීවර, ප්රවාහන, නිවාස සහ ඉදිකිරීම් ආදී විෂයයන්ට අයත් අමාත්යාංශවල ලේකම්වරුන්, අදාළ ආයතනවල ප්රධානීන් සහ සියලු දිස්ත්රික් ලේකම්වරුන්ගේ සහභාගිත්වයෙන් අද (20) ජනාධිපති කාර්යාලයේදී පැවැත්විණි. නිවාස පිරිසිදු කර ගැනීම සඳහා රජයෙන් ලබා දෙන රුපියල් 25,000 සහ ගෘහ උපකරණ මිලදී ගැනීමට ලබා දෙන රුපියල් 50,000ක දීමනාව මෙම දෙසැම්බර් 31 දිනට පෙර ලබා දීමට කටයුතු කරන ලෙස මෙහිදී ජනාධිපතිවරයා උපදෙස් දුන්නේය.එමෙන්ම නිවාස සහ වගා හානි සඳහා වන්දි ගෙවීම්, දිවයින පුරා පවත්වාගෙන යන සුරක්ෂිත මධ්යස්ථානවල කටයුතු, ජනතාව නැවත පදිංචි කිරීම, ජීවනෝපායමාර්ග යළි ගොඩනැගීම සහ යටිතල පහසුකම් සංවර්ධනය සඳහා දිස්ත්රික් මට්ටමින් ක්රියාත්මක වැඩපිළිවෙළ සහ එහි ප්රගතිය පිළිබඳව මෙහිදී සවිස්තරාත්මකව විමසා බලන ලදී.වන්දි ලබා දීමේ ක්රියාදාමයේදී මතුව ඇති ගැටලු පිළිබඳව විශේෂ අවධානයක් යොමු කෙරුණු අතර, එම කටයුතු කාර්යක්ෂම කිරීම සහ කිසිවෙක් අත්නොහැරෙන පරිදි වන්දි හිමි විය යුතු සියලුදෙනාටම එම ප්රතිලාභය ලබා දීමේ අවශ්යතාව ජනාධිපතිවරයා අවධාරණය කළේය.එමෙන්ම ජනතාව නැවත පදිංචි කිරීම් සහ ඒ සඳහා අවශ්ය ඉඩම් හඳුනා ගැනිම පිළිබඳවද පුළුල් ලෙස සාකච්ඡා කෙරුණු අතර, ප්රධාන දිස්ත්රික්කවල ක්රියාත්මක කළ යුතු නිවාස ව්යාපෘති පිළිබඳ වෙනම සැලැස්මක් සකස් කිරීමටත්, ඊට අදාළව සියලු පාර්ශ්වයනගේ සහභාගිත්වයෙන් සාකච්ඡාවක් යළි කැඳවීමටත් කටයුතු කරන බව ජනාධිපතිවරයා පැවසීය. එමෙන්ම අධි අවදානම් සහිත ප්රදේශවල ජනතාව කඩිනමින් එම ස්ථානවලින් ඉවත් කර සුරක්ෂිත ස්ථානවල පදිංචි කිරීමේ අවශ්යතාව පෙන්වා දුන් ජනාධිපතිවරයා නිවාස හානි සඳහා වන්දි ලබාදීමේදී සාධාරණ සහ විනිවිදභාවයෙන් යුතුව එම කටයුතු ක්රියාත්මක කිරීමේ අවශ්යතාවද පැහැදිලි කළේය.මහ කන්නයට ගොවි ජනතාව සූදානම් කිරීම සඳහා අවශ්ය වාරිමාර්ග ප්රතිසංස්කරණය, වන්දි ලබාදීම සහ බිත්තර වී ඇතුළු පහසුකම් ලබාදීමේ වැඩසටහන්හි ක්රියාකාරිත්වයද ජනාධිපතිවරයා විමසා බැලීය. එමෙන්ම හානි වූ සත්ව ගොවිපොළ සඳහා වන්දි ලබා දෙමින් එම ජනතාවගේ ජීවනෝපාමාර්ග යළි ආරම්භ කිරීම, ආපදවෙන් හානි වූ කුඩා වෙළෙඳ ව්යාපාර යළි ආරම්භ කිරීමට සහාය වීම, ධීවර කර්මාන්තය යථාවත් කිරීම සහ පාසල් දරුවන් වෙනුවෙන් රජයෙන් ලබා දෙන රුපියල් 15,000ක දීමනාව කඩිනමින් ලබාදී අවසන් කිරීමේ වැඩසටහන්හි ප්රගතියද සාකච්ඡා කෙරිණි.විනාශ වූ ගුවන් ගමන් බලපත්ර සහ හැඳුනුම්පත් නැවත ලබා දීම වෙනුවෙන් ක්රියාත්මක වැඩපිළිවෙළ පිළිබඳවද ජනාධිපතිවරයා මෙහිදී විමසා සිටියේය.මහජන ආරක්ෂක සහ පාර්ලිමේන්තු කටයුතු අමාත්ය ආනන්ද විජේපාල, රාජ්ය පරිපාලන පළාත් සභා සහ පළාත් පාලන අමාත්ය චන්දන අබේරත්න යන මහත්වරුන්ද, ජනාධිපති ලේකම් ආචාර්ය නන්දික සනත් කුමානායක, ආරක්ෂක අමාත්යාංශයේ ලේකම් එයාර් වයිස් මාර්ෂල් (විශ්රාමික)සම්පත් තුයියකොන්තා, රාජ්ය පරිපාලන පළාත් සභා සහ පළාත් පාලන අමාත්යාංශයේ ලේකම් එස්. ආලෝක බණ්ඩාර, අත්යවශ්ය සේවා කොමසාරිස් ජනරාල්, වැවිලි සහ ප්රජා යටිතල පහසුකම් අමාත්යාංශයේ ලේකම් ප්රභාත් චන්ද්රකීර්ති, නිවාස ඉදිකිරීම් සහ ජලසම්පාදන අමාත්යාංශයේ ලේකම් කුමුදු ලාල් බෝගහවත්ත, ප්රවාහන, මහාමාර්ග සහ නාගරික සංවර්ධන අමාත්යාංශයේ ලේකම් ජ්යෙෂ්ඨ මහාචාර්ය කපිල පෙරේරා, කර්මාන්ත සහ ව්යවසාකත්ව සංවර්ධන අමාත්යාංශයේ ලේකම් තිලකා ජයසුන්දර, කෘෂිකර්ම, පශු සම්පත්, ඉඩම් හා වාරිමාර්ග අමාත්යාංශයේ ලේකම් ඩී.පී. වික්රමසිංහ, ධීවර, ජලජ හා සාගර සම්පත් අමාත්යාංශයේ ලේකම් කෝලිත කමල් ජිනදාස යන මහත්වරු ඇතුළු අමාත්යාංශ ලේකම්වරුන්ද, ජනාධිපති ජ්යෙෂ්ඨ අතිරේක ලේකම්වරුන් වන කපිල ජනක බණ්ඩාර, රෝෂන් ගමගේ, රසල් අපොන්සු යන මහත්වරු සහ ආපදා කළමනාකරණ මධ්යස්ථානය, ජාතික ගොඩනැගිලි පර්යේෂණ ආයතනය, කෘෂිකර්ම දෙපාර්තමේන්තුව, වාරි මාර්ග දෙපාර්තමේන්තුව, දුම්රිය දෙපාර්තමේන්තුව ඇතුළු අදාළ සියලු ආයතනවල ප්රධානීහු සහ සියලු දිස්ත්රික් ලේකම්වරුන්ද, මුදල් අමාත්යාශයේ ජ්යෙෂ්ඨ නිලධාරීන් ඇතුළු පිරිසක් මෙම අවස්ථාවට එක්ව සිටියහ.
