අපරාධ කල්ලි සාමාජිකයින් දෙදෙනෙක් ඇතුළු 6ක් අත්අඩංගුවට
ජීවිතක්ෂයට පත්ව ඇති සංවිධානාත්මක අපරාධ කල්ලි නායකයෙකු වූ “රත්මලානේ රොහා“ නැමැත්තාගේ සමීපතමයින් දෙදෙනෙකු ඇතුළු සැකකරුවන් හය දෙනෙකු පොලිස් විශේෂ කාර්ය බලකායේ නිලධාරීන් විසින් අත්අඩංගුවට ගෙන තිබේ.
ඒ වස්කඩුව ප්රදේශයේ ඊයේ (18) රාත්රීයේ සිදුකළ වැටලීමකදීය.
විශේෂ කාර්ය බලකායේ සංවිධානාත්මක අපරාධ මර්දන ඒකක නිලධාරීන් කණ්ඩායමක් විසින් මෙම වැටලීම සිදුකර තිබේ.
වස්කඩුව ප්රදේශයේ අවන්හලක දී අදාළ සැකකරුවන් අත්අඩංගුවට ගෙන ඇති අතර වැඩිදුර විමර්ශන සඳහා ඔවුන් කළුතර උතුර පොලිස් ස්ථානය වෙත භාර දී ඇත.
