ආණ්ඩුව මහානායක හිමිවරුන්ටත් බොරුකරන බවට සමගි ජන බලවේගයේ කුරුණෑගල දිස්ත්රික් පාර්ලිමේන්තු මන්ත්රී දයාසිරි ජයසේකර මහතා චෝදනා නගනවා. ඔහු පාර්ලිමේන්තුවේ පැවති විවාදයකට සහභාගි වෙමින් මේ බව ප්රකාශ කළා.
එහිදී වැඩිදුරටත් අදහස් දැක්වූ දයාසිරි ජයසේකර මන්ත්රීවරයා මෙසේද පැවසුවා.
ආණ්ඩුවේ ඇමතිවරුන් මහානායක හිමිවරුන් හමුවෙලා එළියට ඇවිල්ලා බොරු කියනවා. උන්වහන්සේලා නිකුත් කරපු නිවේදනය එළියට දාන්නේ නැත්තේ ඇයි? කවුද ඒකට බලපෑම් කරන්නේ.
කවුරු හරි මේකට බලපෑම් කරලා තියෙනවද? ලබන සතියේ හමුවීමට එනවා එතකං පොඩ්ඩක් මේක නතර කරන්න කියලා නායක හාමුදුරුවන්ට කවුරු හරි කිව්වද?
නැත්නම් හෙට උදේ අධිකරණ ඇමතිතුමා එනවා එතකම් නිවේදනය පිට කරන්න එපා කියලා නායක හාමුදුරුවන්ට කවුරු හරි කිව්වද ?
තවත් දෙයක් කියන්න තියෙනවා නියෝජ්ය ඇමතිවරයෙක් අධිකරණයට ජයවේවා කියලා පාර්ලිමේන්තුවේ අත්පුඩිගහනවා. ජනාධිපතිතුමා කිව්වම අත්පුඩි ගහන්න ලෑස්ති වෙන්න කියලා ඒක නිසාද සමහර ඇමතිවරුන් අධිකරණයට ජය වේවා කියලා අත්පුඩි ගහන්නේ. මේවා තමයි අධිකරණයට කරන බලපෑම්. ඒක විවිධ අවස්ථාවල දකින්න තියෙනවා. යනුවෙන්ද දයාසිරි ජයසේකර මන්ත්රීවරයා ප්රකාශ කළේය.
