පෙම්වතුන් වෙනුවෙන් සුවිශේෂි දිනයක් වෙන්කර තිබෙන පසුබිමක, දිනකට සීමා නොවන ආදර කතාවක් ගැන අපට වාර්තා වුණේ ගාල්ල – උඩුගම, අලුත්වත්ත ප්රදේශයෙන්.
ගුරු යුවලක් වන චමරි ඉෂානි සහ සතිර මධුෂංක අවුරුදු 9ක ප්රේම කතාන්දරයකින් අනතුරුව 2018 වර්ෂයේදී විවාහ දිවියට ඇතුළත්ව තිබේ.
නමුත් විවාහ වී වසරකට පසුව එළැඹි එක් අවාසනාවන්ත දවසක, චමරි අවාසනාවන්ත ලෙස රිය අනතුරකට ලක්ව ඇත.
සිහිසුන්ව මාස 3ක් රෝහල්ගතව සිටි චමරිගෙ ජීවිතය එතැන සිට බර වෙන්නේ රෝද පුටුවකටය.
චමරිට එතැන ඉඳලා කතා කරගන්න බැරි තත්ත්වයකටත් පත්ව ඇති අතර චමරිව නැවත දෙපයින් හිටවන්න සතිර කරන සුවිසල් කැපකිරීමේ ප්රතිඵලයක් ලෙස අනතුරින් අවුරුදු 3කට පසුව අද සතිරට යන්තමින් නම කියලා කතා කරන්න චමරිට පුලුවන් හැකියාව ලැබී ඇත.
එදා සිට අද දක්වා පෙම්වතුන් මෙන්ම අඹුසැමි යුවලක් ලෙසට දිවි ගෙවන මොවුන් අතර කිසිදු අඩ දබරයක් නොවෙන තරමටම ආදරය සෙනෙහස රදාපවතින්නේ,භෞතික කිසිවක් තුල පමණක් සතුට නොපවතින බව ලෝකයාට පසක් කරමිනි.
මුළු මහත් ලෝකයේම ආදරවන්තයින් වැලන්ටයින් දිනය සමරද්දී කෙතරම් අඩුපාඩු තිබුණත් වසරේ තුන්සිය හැටපස් දවසෙම සීමා නොවන ආදරයක් එක්ක ජීවත්වන මේ වගේ ආදරවන්තයින් ලොවටම ආදර්ශයකි.
