ආනවිළුන්දාව අභය භූමියේ කඩොලාන පරිසර පද්ධතියට හානි සිදු කිරීමේ සිද්ධියට අදාළව අත්අඩංගුවට ගත් සැකකරුවන් දෙදෙනා තවදුරටත් රක්ෂිත බන්ධනාගාර ගත කිරීමට හලාවත මහෙස්ත්‍රාත් අධිකරණය නියෝග කර තිබේ.
සැකකරුවන් ලබන 18 වන දින දක්වා රක්ෂිත බන්ධනාගාර ගත කිරීමට හලාවත ප්‍රධාන මහෙස්ත්‍රාත් මංජුල රත්නායක මහතා නියෝග කළ බව “අද දෙරණ“ වාර්තාකරු පැවසීය.
ඉස්සන් ගොවිපළක් සකස් කිරීම සඳහා කඩොලාන පරිසර පද්ධතියේ කොටසක් එළිපෙහෙළි කිරීම සඳහා උපදෙස් ලබාදුන් බව කියන ව්‍යාපාරිකයා සහ අදාළ බැකෝ යන්ත්‍ර ක්‍රියාකරු එලෙස රක්ෂිත බන්ධනාගාර ගත කර තිබේ.
පුත්තලම සහකාර වනජීවි අධ්‍යක්ෂවරයා විසින් ආරච්චිකට්ටුව පොලීසිය වෙත සිදුකළ පැමිණිල්ලක් අනුව ඔවුන් දෙදෙනා අත්අඩංගුවට ගෙන තිබුණි.
