ඉන්දියාවට යැවීමට සුදානම්කර තිබු රත්‍රං තොගයක් සොයාගනී
පුත්තලම පොලිස් වසමේ කරඹ කළපුව ආසන්නයේදී ඊයේ (26) රාත්‍රියේ සිදුකළ වැටලීමකදී රුපියල් ලක්ෂ 400කට අධික වටිනාකමකින් යුත් රත්‍රං තොගයක් ප්‍රවාහනය කරමින් සිටි පුද්ගලයෙකු අත්අඩංගුවට ගෙන ඇත.
යතුරුපැදියකින් රැගෙන යමින් සිටි අදාළ රත්‍රං තොගය කිලෝග්‍රෑම් 4යි ග්‍රෑම් 500ක් පමණ බරින් යුක්ත වන බව පුත්තලම පොලිස් නිලධාරීන් පවසයි.
අත්අඩංගුවට පත් සැකකරු පුත්තලම නාගවිල්ලුව ප්‍රදේශයේ පදිංචිකරුවෙකු වන අතර ඔහු එම රත්‍රන් තොගය ඉන්දියාවට යැවීමට සූදානමින් සිට ඇති බවට සැකකෙරේ.
සැකකරු අද (27) පුත්තලම මහෙස්ත්‍රාත් අධිකරණය හමුවට ඉදිරිපත් කිරීමට නියමිතය.
