ඊයේ වාර්තා වු කොරෝනා ආසාදිතයින්ගේ තොරතුරු
මෙරට සමස්ත කොවිඩ් නයින්ටීන් රෝගීන් සංඛ්‍යාව 2902 දෙනෙකු දක්වා ඉහළ ගොස් තිබේ.
ඒ ඊයේ (18) දිනයේ හඳුනාගත් නව රෝගීන් දෙදෙනාත් සමගය.
සුඩාන් සිට පැමිණි අයෙකු සහ එක්සත් අරාබි එමීර් රාජ්‍යයේ සිට පැමිණි අයෙකුට කොවිඩ් නයින්ටීන් වෛරසය ආසාදනය වී ඇති බවට ඊයේ දිනයේ හඳුනාගත් බව රජයේ ප්‍රවෘත්ති දෙපාර්තමේන්තු ව සඳහන් කළේය.
කෙසේවෙතත් මෙරට සමස්ත කොවිඩ් රෝගීන්ගෙන් 2755 දෙනෙකුමේ වන විට පූර්ණ සුවය ලබා තිබේ.
රෝගීන් 136 දෙනෙකු තවදුරටත් නේවාසිකව ප්‍රතිකාර ලබන බව වසංගත රෝග විද්‍යා අංශය සඳහන් කළේය.
මේ අතර අද (19) දිනයේ නිරෝධායනය වු පුද්ගලයින් 111 දෙනෙක් නිරෝධායන මධ්‍යස්ථාන තුළින් පිටව යෑමට සුදානම් ව ඇතැයි කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.
අද වන විට පුද්ගලයින් 31,021 දෙනෙක් නිරෝධායන ක්‍රියාවලිය අවසන් කර තිබේ.
තවත් පුද්ගලයින් 5,632 දෙනෙක් ත්‍රිවිධ හමුදාව විසින් පාලනය කරනු ලබන නිරෝධායන මධ්‍යස්ථාන 43ක නිරෝධායනය වෙමින් සිටියි.
ඊයේ දිනය තුළ පීසීආර් පරීක්ෂණ 1120ක් සිදුකර ඇති අතර, සිදුකර ඇති සමස්ථ පීසීආර් පරීක්ෂණ සංඛ්‍යාව 191,507 කි.
