කුඩු ජාවාරමට සම්බන්ධ අතුරුදන් IPගෙ ඔත්තුකරු අල්ලයි.
කුඩු ජාවාරමට සම්බන්ධ අතුරුදන් IPගෙ ඔත්තුකරු අල්ලයි. දෙස් විදෙස් ප්රබල මත්ද්රව්ය ජාවාරම්කරුවන් සමඟ සමීප සබඳතා පවත්වමින් මත්ද්රව්ය ජාවාරම් සිදුකළ බවට චෝදනා එල්ල වන එසේම දැනට අතුරුදන්ව සිටින පොලිස් මත්ද්රව්ය නාශක කාර්යාංශයේ පොලිස් පරීක්ෂකවරයාගේ පොලිස් ඔත්තුකරු සහ හෙරොයින් ගොඩබිමට රැගෙන ආ බෝට්ටු ක්රියාකරු රහස් පොලිසිය මගින් අත්අඩංගුවට ගෙන තිබේ. මත්ද්රව්ය ජාලය සම්බන්ධයෙන් අත්අඩංගුවට ගැනීමට සොයන දැනට අතුරුදන්ව සිටින පොලිස් පරීක්ෂකවරයාට සහ දැනට අත්අඩංගුවේ පසුවන පොලිස් මත්ද්රව්ය නාශක කාර්යාංශයේ උප පොලිස් පරීක්ෂක වරයාට තොරතුරු ලබා දෙමින් කටයුතු කළ මෙම පොලිස් ඔත්තුකරු ද මෙම ජාවාරමට උදව් පදව් කර ඇති බවට තොරතුරු ලැබීමත් සමග ඔහුව මෙලෙස අත්අඩංගුවට ගෙන ඇති බව රහස් පොලිස් ආරංචිමාර්ග සඳහන් කරයි. තවද මුහුදු මාර්ග ඔස්සේ ගොඩබිමට රැගෙන විත් බලපිටිය ප්රදේශයේ ලැගුම්හලකට ගෙනා බව කියන මේ හෙරොයින් කිලෝ ග්රෑම් 243 ගොඩබිමට රැගෙන ආ බෝට්ටුවේ ක්රියාකරු ද රහස් පොලිසිය මගින් අත්අඩංගුවට ගෙන තිබෙන බව වාර්තා වේ. මෙම සිද්ධියට අදාළව මේවන විට පොලිස් නිලධාරීන් 16 දෙනකු ඇතුළු දහනව දෙනෙකු අත්අඩංගුවට ගෙන ඇති අතර අතුරුදන්ව සිටින පොලිස් මත්ද්රව්ය නාශක කාර්යාංශයේ පොලිස් පරීක්ෂකවරයා සොයා තවදුරටත් මෙහෙයුම් ක්රියාත්මක වන බව පොලිසිය ප්රකාශකරයි.
