කුඩු තුෂාර නැමැත්තාගේ ගෝලයෙකු බව කියන පුද්ගලයෙකු හෙරොයින් සමඟ රත්නපුර නගරයේ දී පොලීසිය විසින් අත්අඩංගුවට ගෙන තිබේ.
පොලීසියට ලද තොරතුරකට අනුව සිදුකළ වැටලීමකදී මොහු අත්අඩංගුවට ගත් බව පොලීසිය සඳහන් කළේය.
එම අවස්ථාවේදී සැකකරු සතුව තිබී හෙරොයින් ග්‍රෑම් 12කට ආසන්න ප්‍රමාණයක් සහ ජාවාරමෙන් ඉපයූ බවට සැක කෙරෙන රුපියල් 55,250ක මුදලක් ද සොයාගෙන තිබේ.
සැකකරු රත්නපුර මහෙස්ත්‍රාත්වරයා හමුවට ඉදිරිපත් කර පැය 72ක රැදවුම් නියෝග ලබාගැනීමට නියමිත බව පොලීසිය සඳහන් කළේය.
මේ අතර කල්පිටිය ප්‍රදේශයේ දී කොකේන් ග්‍රෑම් 480ක් සමග පුද්ගලයෙකු අත්අඩංගුවට ගෙන තිබේ.
පොලීසිය සඳහන් කළේ 25 හැවිරිදි පුද්ගලයෙකු මෙලෙස අත්අඩංගුවට ගෙන ඇති බවය.
