පොලිස් විශේෂ කාර්ය බළකායේ නිලධාරීන් පිරිසක් ඊයේ (28) කරදියනාරු පොලිස් වසමේ මුණවර, පෙරියපිල්ලුමලේ ප්‍රදේශයේ දී වැටලීමක් සිදුකර තිබේ.
එහිදී මිල කළ නොහැකි ගජමුතු සොයාගත් බව එම නිලධාරීන් පැවසීය.
ඒවා යතුරුපැදියකින් ප්‍රවාහනය කරමින් සිටි පුද්ගලයන් දෙදෙනෙක් ද එහිදී අත්අඩංගුවට ගෙන ඇත.
නාවික හමුදා බුද්ධි අංශ නිලධාරීන්ට ලැබුණු තොරතුරකට අනුව වව්නතිව් කඳවුරේ නිලධාරීන් වැටලීම සිදුකර තිබුණි.
සැකකරුවන් මහඔය, සමගිපුර ප්‍රදේශයේ පදිංචි වයස අවුරුදු 29ත් 52ත් අතර පුද්ගලයින්ය.
අත්අඩංගුවට ගත් සැකකරුවන්ගෙන් වැඩිදුර ප්‍රශ්න කිරීමේදී හෙළිවී ඇත්තේ රක්ෂිත තුළ ජීවත් වන ඇතුන් ඝාතනය කර මෙම ගජමුතු ලබාගත් බවය.
වැඩිදුර විමර්ශන සඳහා සැකකරුවන්ව මඩකලපුව වනජීවී සංරක්ෂණ දෙපාර්තමේන්තුව වෙත භාරදී ඇත.
වැඩිදුර විමර්ශන සඳහා සැකකරුවන්ව මඩකලපුව වනජීවී සංරක්ෂණ දෙපාර්තමේන්තුව වෙත භාරදී ඇත.
