ගන්දර පොලිස් වසමේ සිංහාසන පාර ප්රදේශයේදී යතුරුපැදියකින් ගමන් කරමින් සිටි පුද්ගලයින් දෙදෙනෙකුට නාඳුනන පුද්ගලයින් පිරිසක් විසින් වෙඩි තබා පලාගොස් ඇති අතර වෙඩි වැදීමෙන් එම පුද්ගලයින් දෙදෙනා එම ස්ථානයේදීම මියගොස් ඇත.මරණකරුවන් අවුරුදු 28 හා 29 වයස්වල පසුවන දෙවිනුවර ප්රදේශයේ පදිංචිකරුවන් වේ.වෙඩි තැබීම සඳහා ටී 56 වර්ගයේ ගිනි අවියක් යොදාගෙන ඇති බවට දැනට සිදුකරන ලද විර්මශනයේදී අනාවරණය වී ඇත.වෙඩි තැබීමට හේතුව මෙතෙක් අනාවරණය වී නොමැති අතර, සැකකරුවන් පැමිණි බවට සැකකරන වෑන් රථයක් ගන්දර පොලිස් වසමේ වැල්ලමඩම හන්දියේදී ගිනි තබා තිබියදී පොලිසිය විසින් සොයා ගෙන ඇත.සැකකරුවන් අත්අඩංගුවට ගැනීම සඳහා ගන්දර පොලීසිය වැඩිදුර විර්මශන සිදුකරනු ලබයි
