ගම්පහ දිස්ත්රික්කයේ ජලයෝජනා ක්රමයක් විවෘත කිරීම පසුගියදා සිදු විය. එම අවස්ථාවට විදේශ කටයුතු ඇමති විජිත හේරත් සහභාගි වූ අතර ඔහු එම උත්සවයෙන් අනතුරුව තැබූ X ගිණුමේ සටහන පහත දැක්වේ .මෙම අවස්ථාවට ශ්රී ලංකාවේ චීන තානාපතිවරයාද සහභාගි වීම විශේෂත්වයකි
ගම්පහ, අත්තනගල්ල හා මිනුවන්ගාඩ ඒකාබද්ධ ජල සම්පාදන ක්රමය විවෘත කිරීමේ අවස්ථාවට එක් වූයෙමි. ගම්පහ දිස්ත්රික්කයේ ගම්පහ, මිනුවන්ගාඩ හා අත්තනගල්ල ප්රාද්ශිය ලේකම් කොට්ඨාශ සියල්ල සහ මහර හා මීරිගම කොට්ඨාශයේ කොටසක් ද ආවරණය වන පරිදි ජනතාවට සුරක්ෂිත පානීය ජලය සැපයීමේ මෙම මහා පරිමාණ ව්යාපෘතියෙන් සිදු වෙයි.මෙයින් නව ජල සබදතා 88,000ක් ද 22,000ක් පමණ දැනට ඇති ජල සබදතාවල තත්වය උසස් කිරීමක් ද සිදු වෙයි. මෙම ව්යාපෘතිය ඝන මීටර මිලියන 5.5 ධාරිතාවයකින් යුතු බස්නාගොඩ ජලාශය, දිනකට ඝන මීටර 85000ක ධාරිතාවකින් යුත් තුළුමං පොම්පාගාරය, දිනකට ඝන මීටර 54,000 ධාරිතාවයකින් යුතු ජල පවිත්රාගාරය, ඝන මීටර 10,000 ධාරිතාවකින් යුතු උස් මට්ටම් ජල ටැංකිය සහ ඝන මීටර 1500 ධාරිතාවයන් යුතු ජල කුළුණු 05ක් ඇතුළත්. මුළු සම්ප්රේෂණ නල 85 km දිගකින් යුතු අතර බෙදාහැරීම් නල 504 km කි.(18) පෙරවරු පැවැති ඒකාබද්ධ ජල සම්පාදන ක්රමය විවෘත කිරීමේ අවස්ථාවට නාගරික සංවර්ධන, ඉඳිකිරීම් සහ නිවාස අමාත්ය අනුර කරුණාතිලක ඇතුළු මැති ඇමතිවරු පිරිසක් ද දෙස් විදෙස් නියෝජිතයින් සහ රාජ්ය නිලධාරීන් පිරිසක් ද එක්ව සිටියහ.
