අග්‍රාමාත්‍ය මහින්ද රාජපක්ෂ මහතා, ජනාධිපති ගෝඨාභය රාජපක්ෂ මහතා හමුවීමට ගොස් ඇති බව ආරංචි මාර්ග සඳහන් කරයි.
ආරංචි මාර්ග වැඩිදුරටත් සඳහන් කරන්නේ, එම හමුවේ දී වැදගත් දේශපාලන තීරණ කිහිපයක් ගැනීමට නියමිත බවය.
අග්‍රාමාත්‍යවරයා ඉල්ලා අස්වෙන බවට අද පස්වරුවේ වාර්තා වුවද කැබිනට් අමාත්‍යවරු කිහිපදෙනෙකු අග්‍රාමාත්‍යවරයාට ඉල්ලා අස්නොවන ලෙස ඉල්ලීමක් කර ඇතැයි ද වාර්තා වේ.
ඒ අනුව අමාත්‍ය මණ්ඩලය බොහෝ දුරට ඉල්ලා අස්වීමට නියමිත බව වාර්තා වන්නේය.
මේ අතර, සියලු පක්ෂවලින් සමන්විත අන්තර්කාලීන ආණ්ඩුවක් පත් කරන ලෙස ට තමා ජනාධිපතිවරයා හා අගමැතිවරයා හමුවී යෝජනා කළ බව ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා පවසයි.
එහිදී නව අගමැතිවරයෙකු පත්කර ගැනීම සඳහා වන යෝජනාවක් ද ඉදිරිපත් කළ බව විමල් වීරවංශ මහතා සඳහන් කරයි.
