තරග කළ එජාප අපේක්ෂකයින් සහ නායක රනිල් වික්‍රමසිංහ අතර තවත් සාකච්ඡාවක්
මෙවර මහ මැතිවරණය සඳහා එක්සත් ජාතික පක්ෂයෙන් තරග කළ සියලු අපේක්ෂකයින් සහ පක්ෂ නායක රනිල් වික්‍රමසිංහ මහතා අතර සාකච්ඡාවක් මේ වන විට පැවැත්වේ.
සිරිකොත පක්ෂ මූලස්ථානයේදී මෙම සාකච්ඡාව අද (15) උදෑසන ආරම්භ විය.
පක්ෂයේ ඉදිරි ක්‍රියාමාර්ග සම්බන්ධයෙන් සාකච්ඡා කිරීම සඳහා මෙම සාකච්ඡාව කැඳවා තිබේ.
මේ වන විට එක්සත් ජාතික පක්ෂය තුළ හට ගෙන ඇති නායකත්වය පිළිබඳ ගැටළුව ඊයේ (14) පැවති කෘත්‍යාධිකාරී මණ්ඩලයේ දී දීර්ඝ ලෙස සාකච්ඡා වී තිබේ.
නව නායකත්වයක් තෝරාපත් කර ගැනීම සඳහා තවත් මාස 6 ක කාලයක් ලබාදීමට මෙහිදී තීරණය කර ඇත.
කෙසේවෙතත් එක්සත් ජාතික පක්ෂ නායකත්වය සඳහා තරුණ නායකයෙකු පත්කර ගැනීම සම්බන්ධයෙන් එහිදී අවධානය යොමු වු බව එක්සත් ජාතික පක්ෂය ඊයේ නිවේදනය කළේය.
