දශක 4කට පසු ශ්රී ලංකා පාර්ලිමේන්තුවේ මහා පරිමාණයෙන් සිදු කරනු ලබන අලුත්වැඩියා කටයුතු ආරම්භ කෙරේ.ශ්රී ලංකා පාර්ලිමේන්තුවේ මහා පරිමාණයෙන් සිදුවන අලුත්වැඩියා කටයුතු මේ වනවිට ආරම්හ කර ඇත.අමාත්යමණ්ඩල අනුමතිය යටතේ, වසර 42කට අධික කාලයකට පසු මෙලස ශ්රී ලංකා පාර්ලිමේන්තු සංකීර්ණයේ සිදුවන අලුත්වැඩියා කටයුතු ගරු කථානායක වෛද්ය ජගත් වික්රමරත්න මහතාගේ උපදෙස් මත සිදුකරනු ලබයි.ඒ අනුව පාර්ලිමේන්තු සංකීර්ණයේ කොන්ක්රීට් වහල (Roof Terrace) මත තිබෙන පස් තට්ටුව ඉවත්කොට අලුත්වැඩියා කිරීමේ කටයුතු මේ දිනවල සිදුවෙමින් පවතී . එමෙන්ම වැහි පිහිලි (Roof Gutters), තඹ දොර (Copper Door), පාර්ලිමේන්තු වෛද්ය මධ්යස්ථානය (Parliament Medical Center), වැසිකිළි පද්ධතිය (Washrooms) සහ ගරු පාර්ලිමේන්තු මන්ත්රීවරුන්ගේ විවේකාගරයේ (Members Dressing Room) අලුත් වැඩියා කටයුතු මෙලෙස සිදු කෙරේ.මෙයට පෙර පාර්ලිමේන්තු සංකීර්ණයේ සුළු නඩත්තු කටයුතු සම්බන්ධිකරණ ඉංජිනේරු දෙපාර්තමේන්තුව මගින් සිදු කළද මෙම මහා පරිමාණ අලුත්වැඩියා කටයුතු ශ්රී ලංකා යුධ හමුදාවේ ශ්රම දායකත්වයෙන් සිදු කරනු ලබයි.
