*ප්රථම වතාවට කලාපීය බාලදක්ෂ සමුළුව ලංකාවේ පැවැත්වීමත් අවුරුදු 113ක ඉතිහාසය තුළ ලෝක බාලදක්ෂ සංගමයේ මහලේකම්වරයෙකු ලංකාවට පැමිණීමත් ශ්රී ලංකාවට ආඩම්බරයක් – අමාත්ය විජිත හේරත්, දකුණු ආසියානු ජාතික බාලදක්ෂ සංවිධාන සංගමයේ (SAANSO) ප්රධාන කොමසාරිස්වරුන්ගේ සමුළුව විදේශ කටයුතු අමාත්ය විජිත හේරත් මහතාගේ ප්රධානත්වයෙන් අද පෙරවරුවේ ආරම්භ වුණා. ශ්රී ලංකා බාලදක්ෂ ඉතිහාසයේ ප්රථම වතාවට මෙම කලාපීය බාලදක්ෂ සමුළුව ලංකාවේ පැවැත්වීමට ලැබීමත් බාලදක්ෂ ව්යාපාරයේ අවුරුදු 113ක ඉතිහාසය තුළ ලෝක බාලදක්ෂ සංගමයේ මහලේකම්වරයෙකු ලංකාවට පැමිණීමත් සුවිශේෂී අවස්ථාවන් බව අමාත්යවරයා පවසා සිටියේය. මෙවර සමුළුව ශ්රී ලංකාවේ පැවැත්වීමත් සමඟ දකුණු ආසියානු ජාතික බාලදක්ෂ සංවිධාන සංගමයේ සභාපතිත්වය ශ්රී ලංකාවට හිමිවීම රටට විශාල ගෞරවයක් බවත් අමාත්යතුමා වැඩිදුරටත් කියා සිටියා.මෙම අවස්ථාවට ලෝක බාලදක්ෂ සංගමයේ (WOSM) මහලේකම් David Berg මහතා, ශ්රී ලංකාවේ ප්රධාන බාලදක්ෂ කොමසාරිස් නීතිඥ ජනප්රිත් ප්රනාන්දු මහතා, ශ්රී ලංකා බාලදක්ෂ සංගමයේ සභාපති රන්සිරි පෙරේරා මහතා, ආසියා – පැසිෆික් කලාපයේ අධ්යක්ෂ ජේ. ආර්. සී. පන්ගිලිනන් මහතා ( Mr. J.T.C. Pangilinan), SAANSO සාමාජික රටවල ප්රධාන බාලදක්ෂ කොමසාරිස්වරුන්, ජ්යෙෂ්ඨ නිලධාරීන් ඇතුළු කලාපීය බාලදක්ෂ ප්රධානීන්, ශ්රී ලංකාවේ බාලදක්ෂ කොමසාරිස්වරුන් රැසක් සහභාගී වී සිටියා.
