කාසල් රෝහල සඳහා PCR යන්ත්රයක් ප්රදානය කිරීමට මැලේසියාවේ ප්රධාන සංඝනායක පූජ්ය බූටාවත්තේ ශ්රී සරණංකර නාහිමියන් පියවර ගෙන තිබේ.
කොවිඩ් වසංගත තත්ත්වය හමුවේ ගැබිනි මව්වරුන්ට ප්රතිකාර කිරීමේදී PCR යන්ත්රයක් නොමැති වීමෙන් කොළඹ කාසල් කාන්තා රෝහලේ බලධාරීන් පත්ව ඇති දැඩි දුෂ්කරතාවය පිළිබඳ “අද දෙරණ“ පසුගිය දෙසැම්බර් 24 වනදා රටට අනාවරණ කළේය.
එම අනාවරණයේ ප්රතිඵලයක් ලෙස කාසල් රෝහලට අවශ්ය එම PCR යන්ත්රය සිය පදනමෙහි පරිත්යාගයක් ලෙස කඩිනමින් ලබාදීමට මැලේසියාවේ ප්රධාන සංඝනායක නාහිමියන් ඉදිරිපත් විය.
කොළඹ කාසල් කාන්තා රෝහලේ බලධාරීන්ට එය මහත් අස්වැසිල්ලක් විය.
උන්වහන්සේගේ ප්රධාන ශීෂ්ය ශ්රී සරණංකර පදනමේ සභාපති පූජ්ය බදුල්ලෙගම සිරිවිමල හිමියන් විසින් එය රෝහල වෙත එලෙස පරිත්යාග කරනු ලැබීය.
ඒ අනුව, අදාළ PCR යන්ත්රය මිල දී ගැනීම සඳහා ස්ථාපිත බැංකු ගිණුමට පරිත්යාගශීලීන් තැන්පත් කළ අරමුදල් යොදාගනිමින් PCR යන්ත්රය සඳහා අවශ්ය රසායනාගාරය ගොඩනැගීම සිදුකෙරුණි.
