සමාජ මාධ්ය ඔස්සේ වීඩියෝ පටයක් හා මාධ්ය සාකච්ඡාවක් පවත්වමින්, තහවුරු නොකළ අසත්ය තොරතුරු ප්රචාරය කළ පුද්ගලයෙකු ත්රස්ත මර්දන හා විමර්ශන කොට්ඨාසය විසින් අත්අඩංගුවට ගෙන තිබේ.
පොලිස් මාධ්ය කොට්ඨාසය සඳහන් කළේ, ඊයේ (18) මෙම අත්අඩංගුවට ගැනීම සිදුකර ඇති බවයි.
අක්කරායන්කුලම් පොලිස් වසමට අයත් පලෙයි රක්ෂිතයේ එල්ටීටීඊ පුහුණු කඳවුරක් පවත්වාගෙන යන බවට සමාජ මාධ්ය ඔස්සේ අසත්ය තොරතුරු ප්රචාරය කිරීම සම්බන්ධයෙන් සැකකරු අත්අඩංගුවට ගෙන ඇත.
අත්අඩංගුවට ගත් සැකකරු 46 හැවිරිදි බෙල්ලන්විල, බොරලැස්ගමුව ප්රදේශයේ පදිංචිකරුවෙකි.
ඔහු අද (19) කොළඹ ප්රධාන මහෙස්ත්රාත් අධිකරණයට ඉදිරිපත් කිරීමට නියමිත අතර, සැකකරු සම්බන්ධයෙන් ලංකා දණ්ඩ නීති සංග්රහය සහ පොලිස් ආඥා පනත යටතේ නීතිමය ක්රියාමාර්ග ගැනීමට නියමිත බව පොලිසිය සඳහන් කරයි.
