ප්‍රංශයෙන් එවූ කෝටි දෙකේ තෑග්ග
ත්‍යාගයක් ලෙස අසුරා ප්‍රංශයේ සිට කොළඹ මධ්‍යම තැපැල් හුවමාරුව වෙත එවා තිබු මෙතැෆෙටමීන් (Methamphetamine) නැමැති මත්ද්‍රව්‍ය පෙති 4,048 ක් රේගු මත්ද්‍රව්‍ය පාලන අංශයේ නිලධාරීන් විසින් ඊයේ (20) රාත්‍රීයේ සොයාගෙන තිබේ.
රේගු මාධ්‍ය ප්‍රකාශක, අතිරේක රේගු අධ්‍යක්ෂ ජනරාල් සුනිල් ජයරත්න මහතා පැවසුවේ මෙම මත් පෙතිවල වටිනාකම රුපියල් දෙකෝටි දෙලක්ෂ හතලිස් දහසක් බවය.
කොළඹ, දෙහිවල ප්‍රදේශයේ පදිංචි 37 හැවිරිදි කාන්තාවකගේ නමට එම පාර්සලය එවා තිබූ අතර, ඇය එම පාර්සලය භාරගැනීමට පැමිණෙන තෙක් තම කණ්ඩාම බලා සිට ඇයව ද අත්අඩංගුවටගත් බව ඒ මහතා ප්‍රකාශ ක‍ළේය.
එක්ස්ටසි (Ecstasy ) නමින් හඳුන්වන මෙම මත් පෙති තොගය රෙදි වලින් නිෂ්පාදිත හකුලා නැවිය හැකි පාවහන් අසුරණයකින් ආවරණ කර ත්‍යාගයක් ලෙස අසුරා තිබු බව “අද දෙරණ” අධිකරණ වාර්තාකරු පැවසීය.
අත් අඩංගුවට ගත් කාන්තාව වැඩිදුර විමර්ශන සඳහා පොලිස් මත්ද්‍රව්‍ය නාශක අංශයේ නිලධාරීන් වෙත භාරදී ඇත.
