පානම සංචාරක පහසුකම් සඳහා මිලියන 10 ක ව්යාපෘතියකට මුල්ගල් තැබේ
අම්පාර දිස්ත්රික්කයේ පානම ප්රදේශයට පැමිණෙන සංචාරකයින් උදෙසා යටිතල පහසුකම් සංවර්ධනය කිරීමේ ව්යාපෘතියක් ආරම්භ කර ඇත. විදේශ කටයුතු, විදේශ රැකියා හා සංචාරක අමාත්යාංශය මඟින් රුපියල් මිලියන 10 ක ප්රතිපාදන යටතේ ක්රියාත්මක මෙම ව්යාපෘතිය මඟින් සෆාරි ජීප් රථ නැවතුම්පොළක්, විවේකාගාරයක් සහ සංචාරක තොරතුරු මධ්යස්ථානයක් ඉදිකිරීමට නියමිතය.
මෙම යෝජිත සංවර්ධන ව්යාපෘතියේ මුල්ගල් තැබීම අමාත්ය විජිත හේරත්, සංචාරක නියෝජ්ය අමාත්ය මහාචාර්ය රුවන් රණසිංහ සහ දිගාමඩුල්ල දිස්ත්රික් සංවර්ධන කමිටු සභාපති, ග්රාමීය සංවර්ධන, සමාජ ආරක්ෂණ සහ ප්රජා සවිබල ගැන්වීම් නියෝජ්ය අමාත්ය වසන්ත පියතිස්ස යන මහත්වරුන්ගේ ප්රධානත්වයෙන් පැවැත්විණි.
අරුගම්බේ, පානම සහ කුමන වනෝද්යාන ප්රදේශයන්හි සංචාරයේ නිරත වන දෙස් විදෙස් සංචාරකයින්ට අවශ්ය තොරතුරු සහ පහසුකම් සැපයීම මෙම මධ්යස්ථානය මඟින් සිදුකෙරේ.
මෙම අවස්ථාවට ප්රාදේශීය දේශපාලන නියෝජිතයින්, අම්පාර දිස්ත්රික් ලේකම් අනුපම මංගල වික්රමාරච්චි මහතා ඇතුළු රාජ්ය නිලධාරීන්, සංචාරක ක්ෂේත්රයේ ව්යවසායකයින් සහ ප්රදේශවාසීන් සහභාගී වූහ.
