පාර්ලිමේන්තුවේ PCR පරීක්ෂණ අද
පාර්ලිමේන්තු කටයුතු පිළිබඳ කාරක සභාවේ රැස්වීමක් අද (13) දිනයේ පැවැත්වීමට නියමිතය.
කථානායක මහින්ද යාපා අබේවර්ධන මහතාගේ ප්රධානත්වයෙන් පස්වරු 2.00ට මෙම රැස්වීම පැවැත්වෙන බව පාර්ලිමේන්තුවේ සන්නිවේදන දෙපාර්තමේන්තුව සඳහන් කළේය.
මන්ත්රීවරුන් කිහිපදෙනෙකුට කොවිඩ් -19 වෛරසය ආසාදනය වී ඇති බවට තහවුරුවීමත් සමග එළඹෙන සතියේ පාර්ලිමේන්තු සැසිවාරය පැවැත්වීම සම්බන්ධයෙන් මෙහිදී විශේෂ අවධානය යොමුකිරීමට නියමිතය.
මේ අතර අද දිනයේ පාර්ලිමේන්තුව තුළ PCR පරීක්ෂණ සිදු කිරීමට සෞඛ්ය අංශ තීරණය කර තිබේ.
අද පෙරවරු 10 සිට පස්වරු 03 දක්වා මෙම PCR පරීක්ෂණ සිදු කෙරෙන බව වාර්තා වේ.
එමෙන්ම අනිද්දා (15) දිනයේදී ද පාර්ලිමේන්තුව තුළ PCR පරීක්ෂණ සිදුකිරීමට පියවරගෙන ඇති බැවින් එම දිනවලදී පාර්ලිමේන්තු මන්ත්රීවරුන්ටද PCR පරීක්ෂණ සිදුකරගත හැකිය.
