පිරිමි පුද්ගලයින් සියදිවි නසාගැනීමේ වැඩි ප්රවණතාවයක්
රැකියා විරහිතභාවය හා ආර්ථික අර්බුද හේතුවෙන් මෙරට පුද්ගලයින් විශාල පිරිසක් සියදිවි නසාගන්නා බවට අනාවරණය වි තිබේ.
රටේ පිරිමි පුද්ගලයන් වැඩි පිරිසක් ආර්ථික හා රැකියා අර්බුධ හේතුවෙන් සියදිවි නසාගෙන ඇති බව වාර්තා වේ.
2020 වසරේ මේ දක්වා ගතවු කාලය තුළ මෙරට පුද්ගලයින් 779 දෙනෙකු සියදිවි හානි කර ගෙන තිබේ.
සුමිත්රයෝ සංවිධානය සිදුකළ නවතම සමික්ෂණ වාර්තාවට අනුව මේ තොරතුරු අනාවරණය වී ඇති බව සඳහන්ය.
සියදිවි නසාගත් පුද්ගලයින් 779 දෙනා අතරින් 635 දෙනෙකු පිරිමි පුද්ගලයන් වන අතර තවත් 144 දෙනෙකු කාන්තාවන් වේ.
රැකියාවේ අනාරක්ෂිතභාවය, පවුල හා සම්බන්ධ අවශ්යතාවන් සපුරාගැනීමට නොහැකි වීම, ණය ගැනීම් මත පදනම් වු පිඩනය හේතුවෙන් සිදුකර ගත් සියදිවි නසා ගැනීම් ඉහළ මට්ටමක පවතින බව එම සමීකෂණයෙන් අනාවරණය වී ඇත.
කාන්තාවන් වැඩි පිරිසක් ගෘහස්ත හිංසනය හේතුවෙන් හටගන්නා මානසික පීඩනයන් නිසා සියදිවි නසා ගැනීමට පෙළඹි ඇති බව සඳහන් වේ.
සමස්ථ සියදිවි නසාගැනීම්වලින් වැඩි පිරිසක් අනුරාධපුර, වව්නියාව, මොනරාගල ඇතුළු ග්රාමීය ප්රදේශවල අඩු අදායම් ලාභි පවුල් ආශ්රිතව සිදුව තිබේ.
මේ වන විට විවිධ ගැටලු හේතුවෙන් සියදිවි නසා ගැනීමට අරමුණු කරගත් විශාල පිරිසක් මේ වන විට උපදේශන සේවා ලබාගනිමින් සිටින බව වාර්තා වේ.
මත්ද්රව්ය හා කාර්යය බහුල ජිවිතය තුළ එකිනෙකාගේ කෙරෙහි දක්වන අවධානය, තේරුම් ගැනීම ගිලිහි යාමේ මෙම අවාසනාවන්ත තත්ත්වයට හේතු වී ඇති ජාතික මානසික සෞඛ්ය විද්යාතනය සඳහන් කළේය.
ජාතික මානසික සෞඛ්ය විද්යාතනයේ ජ්යෙෂ්ඨ විශේෂඥ මනෝ වෛද්ය කපිල රණසිංහ මහතා පැවසුවේ පුද්ගලයෙකුට ඇති වන මානසික පීඩනය මරණයකින් කෙළවර වීම සහසම්බන්ධතාව ප්රගුණ කරන සමාජයකට නැවැත්විය හැකි බවය.
