බඩඉරිඟු සහ තේ වගාව සඳහා අවශ්‍ය රසායනික හා කාබනික පොහොර කඩිනමින් ලබාදීමට බලාපොරොත්තු වන බව රාජ්‍ය ඇමති ජානක වක්කුඹුර මහතා පවසයි.
රත්නපුරයේ දී මාධ්‍යයට අදහස් දක්වමින් ඒ මහතා සඳහන් කර සිටියේ බඩ ඉරිඟු ගොවීන්ට බීජ සඳහා සහනාධාරයක් ලබාදීමට බලාපොරොත්තු වන බව ද රාජ්‍ය අමාත්‍යවරයා සඳහන් කළේය.
මේ පිළිබඳ අදහස් දැක්වු රාජ්‍ය අමාත්‍යවරයා,
“අපි තේ වගාව සඳහා පොහොර ලබාදෙන්නත් ඒ වගේම බඩ ඉරිඟු වගාවට අවශ්‍ය පොහොර අපි බලාපොරොත්තු වෙනවා වගාවට රසායනික හා කාබනික පොහොර දෙකම ලබලා දෙන්න. ඒ වගේම ඒ අයට බීජ සඳහා සහනාධාරයක් දීලා මේ අවුරුද්දේ හෙක්ටයාර් ලක්ෂයක් බඩ ඉරිඟු වගා කරන්න කටයුතු කරන්න. ජනාධිපතිතුමා මට ඊයේ උපදෙස් දුන්නා ගොවියාට අසාධාරණයක් වෙන්නේ නැති වෙන්න ඒ අවශ්‍ය කටයුතු කරන්න කියලා. අද අපි මේ පිළිබඳව සාකච්ඡා කරා අවශ්‍ය කරන පොහොර, කොපමණ ප්‍රමාණයක් අවශ්‍යය ද කියලා. ඒ පොහොර ප්‍රමාණය ඉතා ඉක්මනින් ගොවියාට ලබලා දෙන්න කටයුතු කරනවා. මේ වෙන විට අපේ ගෙනාපු පොහොර ටිකක් තියෙනවා අපි ඒක ගොවීන්ට බෙදලා දෙන්න බලාපොරොත්තු වෙනවා. අවශ්‍ය වුණොත් ආනයනය කරන්නත් බලාපොරොත්තු වෙනවා. අනෙකුත් සියලුම බෝග වර්ගවල තියෙන ප්‍රශ්න සාධාරණීකරණය කරලා විසඳන්න බලපොරොත්තු වෙනවා.”
