මහ බැංකුව හොරකමට සම්බන්ධ 6 දෙනෙකු සජිත් පිලේ.
ශ්රී ලංකා මහ බැංකුවේ බැඳුම්කර මිලදී ගැනීමේ වංචාවට චෝදනා එල්ල වී තිබෙන හයදෙනෙකු සජිත් ප්රේමදාස මහතාගේ නායකත්වයෙන් යුත් සමගි ජන බලවේගයෙ සිටින බව එක්සත් ජාතික පක්ෂයේ උප නායක හිටපු කොළඹ දිස්ත්රික් පාර්ලිමේන්තු මන්ත්රී රවී කරුණානායක මහතා ප්රකාශ කරයි. මින් එක් අයකු කැබිනට් අමාත්යවරයකු වශයෙන් ශ්රී ලංකා මහ බැංකුවේ බැඳුම්කර වංචාවට සම්බන්ධ වී චෝදනා එල්ල වී තිබෙන බවටත් අනෙකුත් පස්දෙනා පාර්ලිමේන්තුවේ කෝප් කමිටු වාර්තාවට පාද සටහන් හෙවත් footnote එක් කළ අය බවත් රවී කරුණානායක මහතා විසින් පෙන්වා දෙන ලදී. කොළඹ පැවති ඡන්ද රැස්වීමකට සහභාගි වෙමින් රවී කරුණානායක මහතා මෙම කරුණු හෙළි කළේය.
