මියන්මාරය ශ්‍රී ලංකාවට ස්තුති කරයි.

මියන්මාර විදේශ අමාත්‍ය Than Swe මහතා ශ්‍රී ලංකාවට ස්තුති කරයි.මියන්මාර විදේශ අමාත්‍ය Than Swe මහතා ශ්‍රී ලංකාවේ විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතාට විශේෂ ස්තූතියක් පළ කළේ ය. ඒ මියන්මාරය ආශ්‍රිතව වාර්තා වූ භූ කම්පනය හේතුවෙන් ඇති වූ විනාශය පිළිබඳව මියන්මාර රජයට සහ ජනතාවට ශ්‍රී ලංකා රජය නිල වශයෙන් යොමු කළ ශෝක පණිවුඩයට ප්‍රතිචාරයක් දක්වමිනි. Than Swe මහතා ස්තූතිය පළ කළේ ඒ අද (02) පෙරවරුවේ අමාත්‍ය විජිත හේරත් මහතා දුරකතනයෙන් සම්බන්ධ කරගනිමිනි.භූ කම්පනයෙන් පීඩාවට පත්ව සිටින ජනතාවට හදිසි ප්‍රතිකාර ලබා දීම සඳහා වෛද්‍යවරු කණ්ඩායමක් මියන්මාරයට යැවීමට දැක් වූ උනන්දුව, හදිසි සහන සහ මානුෂීය ආධාර මියන්මාරයට ලබා දීමට ශ්‍රී ලංකාව ඉදිරිපත් වීම පිළිබඳව ද ශ්‍රී ලංකා රජයට සහ මහජනතාවට Than Swe මහතා මෙහිදී කෘතවේදය පළ කළේ ය.භු කම්පනයෙන් පසු මියන්මාරයේ සිදුව ඇති විනාශයෙන් ඉක්මණින් මිදීමට අවශ්‍ය ඕනෑම සහායක් ලබා දීමට සියවස් ගණනාවක සිට මිතුරු රාජ්‍යයක් වන ශ්‍රී ලංකාව සැදී පැහැදී සිටින බවත් මෙම දුරකතන ඇමතුමේ දී අමාත්‍ය විජිත හේරත් මහතා නැවත වරක් මියන්මාර විදේශ කටයුතු අමාත්‍යවරයාට තහවුරු කළේ ය.සකීෆ් සාම්මාධ්‍ය ලේකම්විදේශ කටයුතු, විදේශ රැකියා සහ සංචාරක අමාත්‍ය කාර්යාලයmedia.secretary@mfa.gov.lk