මෙරටදී නිෂ්පාදනය කරන ලද බවට සැක කරන රිවෝල්වරයක් ආකාරයේ ගිනිඅවියක් හා උණ්ඩ සමග සැකකරුවෙකු විශේෂ කාර්ය බළකාය විසින් අත්අඩංගුවට ගෙන තිබේ.
විශේෂ කාර්ය බළකා මූලස්ථාන කඳවුරේ ස්ථාපිත විශේෂ වැටලීම් ඒකකයේ නිලධාරීන්ට ලද තොරතුරකට අනුව වැටලීම සිදුකර ඇත.
කොටවිල පොලිස් වසමේ කඹුරුගමුව, තල්අරඹ ප්රදේශයේ නිවසක් පිටුපස කෙසෙල් පඳුරක් යට වළදමා තිබීයදී ගිනිඅවිය සොයාගෙන තිබුණි.
එම ගිනිඅවියට එකවර මිලිමීටර් 9 උණ්ඩ 05ක් යෙදිය හැකි පරිදි නිෂ්පාදනය කරඇති බව විශේෂ කාර්ය බළකා නිලධාරීන් පැවසීය.
එහිදී අත්අඩංගුවට ගත් 31 හැවිරිදි සැකකරුව කොටවිල පොලීසියට භාරදී තිබේ.
සැකකරු කුමණ අරමුණක් සඳහා මෙම ගිනිඅවිය සන්තකයේ තබාගෙන සිටියේද යන්න සොයා පොලිස් විමර්ශන ක්රියාත්මකය.
