මෙරට ඉදිකෙරුණු විශාලතම PCR පරීක්ෂණාගාරයේ පරීක්ෂණ කටයුතු නිල වශයෙන් ඊයේ (25) ආරම්භ කෙරුණි.
ඒ ඊයේ පස්වරු 6.30ට පමණ එමිරේට්ස් ගුවන්යානයකින් ඩුබායිහි සිට මෙරටට පැමිණි 53 දෙනෙකුගේ PCR පරීක්ෂණ සිදුකරමින්ය.
අදාළ සාම්පල ලබාගත් පුද්ගලයින් අතරට විදෙස් සංචාරකයින්ද ඇතුළත්ය.
කටුනායක 18කණුව ප්‍රදේශයේ ඉදිකර ඇති මෙරට විශාලතම PCR පරීක්ෂණාගාරය පසුගිය 23වනදා සෞඛ්‍ය අමාත්‍ය කෙහෙලිය රඹුක්වැල්ල මහතාගේ ප්‍රධානත්වයෙන් විවෘත කෙරුණි.
ගුවන්තොටුපොළ, ගුවන් සේවා සමාගම සහ පෞද්ගලික ආයතනයක් එක්වී අමෙරිකානු ඩොලර් මිලියන 5ක වියදමින් මෙය ඉදිකර තිබේ.
ඒ අනුව එන්නත් මාත්‍රා 2කම ලබාගෙන දින 14කට පසු මෙරටට පැමිණෙන දේශීය හා විදේශීය සංචාරකයින් සඳහා මෙහිදී පරීක්ෂණ සිදු කෙරේ.
අදාළ සංචාරකයින්ට කඩිනමින් සිය නවාතැන් ස්ථාන වෙත යාමට අවශ්‍ය පහසුකම් සලසාදෙමින් පැය 3ක් වැනි කාලයකින් මෙහි PCR ප්‍රතිඵල ලබාදීම විශේෂත්කයකි.
