මෛත්රීගේ රහස් ගනුදෙනු රැසක් කැබිනට් අමාත්යවරයෙකු ගේ අතට.
ජනාධිපති මෛත්රීපාල සිරිසේන මහතාසිදු කළා යැයි කියන රහස් ගනුදෙනු රැසක තොරතුරු වර්තමාන රජයේ ප්රබල කැබිනට් අමාත්යවරයෙකු ගේ අතට පත් වී තිබෙන බව වාර්තා වේ. මෙම ඇතැම් ගනුදෙනුවල හඬ පට සහ වීඩියෝ ද සාක්ෂි වශයෙන් තිබෙන බව එම කැබිනට් අමාත්යවරයා අගමැති මහින්ද රාජපක්ෂ මහතාට දැනුම් දී තිබෙන බවද වාර්තා වේ. මෛත්රීපාල සිරිසේන මහතා ජනාධිපති වශයෙන් කටයුතු කරන විට එම පවුල හා ඉතා සමීපව කටයුතු කළ අයෙකු මෙම තොරතුරු ලබාගෙන ඇති අතර පසුව ඔහු මෛත්රීපාල සිරිසේන මහතාගේ පවුලේ සාමාජිකයින් සමග උරණ වී ඇති බවද වාර්තා වේ. ඉන් පසුව එම පුද්ගලයා මෙම කැබිනට් අමාත්යවරයා ට එම ගනුදෙනු වල තොරතුරු සියල්ල ලබා දී ඇති බවද වාර්තා වේ. මෛත්රීපාල සිරිසේන හිටපු ජනාධිපතිවරයා ශ්රී ලංකා පොදුජන පෙරමුණට එරෙහිව කුමන හෝ ක්රියාවක් ඉදිරියේ දී සිදුකළ හොත් මෙම රහස් ගනුදෙනුව පිළිබඳ සියලු තොරතුරු රටට හෙළි කරන බව එම කැබිනට් අමාත්යවරයා තම සමීපතම පුද්ගලයින් කිහිප දෙනකුටම ප්රකාශ කොට ඇති බවද වැඩිදුරටත් වාර්තා වේ.
