යාපනයේ කොවිඩ් පොකුර තවත් ඉහළට
යාපනය දිස්ත්රික්කය තුළ ඊයේ (27) දිනයේ සිදුකරන ලද PCR අනුව කොවිඩ් -19 ආසාදිතයින් 143 දෙනෙකු හඳුනාගෙන තිබේ.
යාපනය තිරුනෙල්වේලි පොළ තුළ සහ එහි වෙළෙඳසැල් තුළ සේවය කළ 127 දෙනෙකු, යාපනය රෝහල තුළින් 11 දෙනෙකු එලෙස හඳුනාගත් ආසාදිතයින් අතරට අයත් බව උතුරු පළාත් සෞඛ්ය අධ්යක්ෂ ඒ.කේදීශ්වරන් මහතා පැවසීය.
රෝහල් පරිශ්රයෙන් හඳුනාගත් ආසාදිතයින් අතර රෝගීන් 7ක්, වෛද්ය සිසුන් 3ක් සහ රෝහල් සාත්තු සේවකයෙක් වෙයි.
යාපනය දිස්ත්රික්කය තුළින් ගතවු සතියක කාලය තුළ ආසාදිතයින් 292ක් වාර්තා වී ඇති අතර යාපනය රෝහල තුළින් 30 දෙනෙකු හඳුනාගෙන ඇති බවද ප්රදේශය භාර මහජන සෞඛ්ය පරීක්ෂකවරු පවසති.
පවතින කොවිඩ් -19 අවදානම සලකා යාපනය නගරයේ කොටසකට සංචරණ සීමා පනවා ඇති අතර යාපනය පොළ භූමිය, තිරුනෙල්වේලි පොළ භූමිය, යාපනය කොටුව සීමාව, කන්කසන්තුරය මාර්ගය හඳුනාගත් ස්ථාන, යාපනය පැරණි බස් නැවතුම්පොළ ඇතුළු හඳුනාගත් ස්ථාන රැසකට සංචරණ සීමා පනවා ඇති බවද මහජන සෞඛ්ය පරීක්ෂකවරුන් පවසා තිබේ.
