යුක්‍රේන භුමියෙන් පහෙන් එකක කොටසක් මේ වන විට රුසියානු පාලනයට යටත්ව ඇති බව යුක්‍රේන ජනාධිපති ව්ලොදිමීර් සෙලෙන්ස්කි පවසයි.
ලක්සන්බර්ග් නියෝජිතයින් පිරිසක් අමතමින් යුක්‍රේන ජනාධිපතිවරයා මේ බව තහවුරු කර තිබේ.
වැඩිදුරටත් විදෙස් මාධ්‍ය වාර්තා කර ඇත්තේ රුසියාව, යුක්‍රේනය තුළ විශේෂ මෙහෙයුම් ආරම්භ කර දින සියයක් ගත වන විට එම භුමි ප්‍රමාණය අත්කර ගෙන ඇති අතර තවත් වැදගත් නගරයක් වන Severodonetsk නගරයේ වැඩි බලයක් ද රුසියාව අතට පත්ව ඇති බවය.
යුද විශ්ලේෂකයින් පවසන්නේ රුසියාව විසින් අත්කර ගත් භුමි ප්‍රමාණය මෙරට භුමි ප්‍රමාණයෙන් දෙගුණයක් වන අතර යම් හෙයකින් මෙහෙයුම අවසන් කිරිමට තීරණය කළ හොත් අදාළ භුමි ප්‍රදේශය රුසියාවේ නිල භුමියක් ලෙස පිළිගැනීමට සිදුවනු ඇති බවය.
