ලාංකිකයින් පිරිසක් දිවයිනට

මාලදිවයින, එංගලන්තය සහ තුර්කියේ රැඳී සිටි ශ්‍රී ලාංකිකයන් 462 දෙනෙකු අද (28) මෙරටට පැමිණ තිබේ. 

මාලදිවයිනේ මාලේ නුවර සිට අද දහවල් 12.30ට පැමිණි ශ්‍රී ලන්කන් ගුවන් සේවයේ යූ.එල්- 4102 දරන විශේෂ ගුවන් යානයෙන් එරට රැඳී සිටි ශ්‍රී ලාංකිකයන් 196 දෙනෙකු මත්තල ගුවන් තොටුපළ වෙත පැමිණ තිබුණි.

එසේම දහවල් 1.00ට එංගලන්තයේ ලන්ඩන් නුවර සිට පැමිණි ශ්‍රී ලන්කන් ගුවන් සේවයේ යූ.එල් – 504 දරන ගුවන් යානයෙන් එරට රැඳී සිටි ශ්‍රී ලාංකිකයන් 142 දෙනෙකු හා තුර්කියේ රැඳී සිටි ශ්‍රී ලාංකිකයන් 124 දෙනෙකු අද දහවල් 1.25 තුර්කි ගුවන් සේවයේ ටී.කේ- 730 දරන ගුවන් යානයෙන් කටුනායක ගුවන් තොටුපළ වෙත පැමිණ තිබේ.

මෙම ගුවන් මගීන් සියලු දෙනා එම ගුවන් තොටුපළ වලදී පී.සී.ආර් පරීක්ෂණවලට ලක් කිරීමෙන් අනතුරුව නිරෝධායන කටයුතු සඳහා යොමු කර තිබේ.