“එක්ස්ප්රස් පර්ල්” නෞකා අනතුරත් සමග වෙරළට පැමිණි මිනිස් සිරුරට අහිතකර ද්රව්ය එක්රැස් කළ පුද්ගලයින් හඳුනාගැනිම සඳහා බුද්ධි මෙහෙයුම් තවදුරටත් ක්රියාත්මක බව පොලීසිය පවසයි.
පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා පැවසුවේ, වීඩියෝ දර්ශන භාවිතයෙන් එම සිදුවිම්වලට සම්බන්ධ පුද්ගලයින් රැසක් මේ වන විටත් හඳුනාගෙන ඇති බවය.
කොවිඩ් රෝග ව්යාප්තිය හා පවතින සංචරණ සීමා හේතුවෙන් ඔවුන් අත්අඩංගුවට ගැනිම පසුව සිදුකෙරෙන අතර ඔවුන්ට නිරෝධායන හා රෝග වැළැක්වීමේ ආඥා පනත යටතේ නඩු පැවරීමට පියවර ගන්නා බව අජිත් රෝහණ මහතා පැවසීය.
මේ අතර නිරෝධායන නීති උල්ලංඝනය කරමින් ශරීරයට අහිතකර අදාළ භාණ්ඩ එක්රැස් කළ බවට පසුගිය දා අත්අඩංගුවට ගත් සැකකරුවන් 08 දෙනා ඇප මත මුදාහැරීමට පියවර ගෙන තිබේ.
