ශක්තිමත් රටක්, ශක්තිමත් ආර්ථිකයක් අපි පසුගිය යහපාලන රජයට භාර දුන්නා..
අපට භාර දුන්නේ කඩාවැටුණු ආර්ථිකයක් බංකොලොත් වූ රටක්..
ගෝඨාභය රාජපක්ෂ ජනාධිපතිවරයාගේ සෞභාග්‍යයේ දැක්ම වැඩපිළිවෙළ ඉදිරියට ගෙන යාම සඳහා ශක්තිමත් පිරිසක් පාර්ලිමේන්තුවට අවශ්‍යයි..
ශක්තිමත් රටක්, ශක්තිමත් ආර්ථිකයක් පසුගිය යහපාලන රජයට භාර දෙනු ලැබුව ද කඩාවැටුණු ආර්ථිකයක් බංකොලොත් වූ රටක් නැවත භාරදීමට යහපාලන රජය කටයුතු කළ බව ශ්‍රී ලංකා පොදුජන පෙරමුණේ නායක අග්‍රාමාත්‍ය මහින්ද රාජපක්ෂ මහතා පවසයි.
අද (2020.08.01) පස්වරුවේ ගාල්ල දිස්ත්‍රික්කයේ ඇල්පිටිය ප්‍රදේශයේ පැවති හමුවක් අමතමින් අග්‍රාමාත්‍යවරයා සඳහන් කළේ යහපාලන ආණ්ඩුව විසින් භාරදුන් කඩාවැටුණු ආර්ථිකයක් සහිත රට ගොඩ නැගීම වෙනුවෙන් ශක්තිමත් පිරිසක් පාර්ලිමේන්තුවට පත්කර ගත යුතු බවයි.
යහපාලන රජයේ අදුරදර්ශී වැඩපිළිවෙළ නිසා කඩාවැටුණු රට ඉන් මුදවා ගැනීම මෙන්ම කොරෝනා වසංගතය නිසා අඩපණ වූ ආර්ථික ක්ෂේත්‍රයන් ගොඩනැගීම වෙනුවෙන් ජනාධිපති ගෝඨාභය රාජපක්ෂ මහතා විශේෂ ආර්ථික සැලසුම් රැසක් දියක් කොට තිබේ.
ආරක්ෂක අංශ සහ සෞඛ්‍ය අංශවල සහයෝගයෙන් ජනාධිපතිවරයා විසින් ක්‍රියාත්මක කළ වැඩපිළිවෙළ හේතුවෙන් කොරොaනා වසංගතය සාර්ථකව මැඩපැවැත්වීමට හැකියාව ලැබිණි.
ගෝඨාභය රාජපක්ෂ මහතා ජනාධිපතිවරයා වශයෙන් පත්වීම නිසා කොරෝනා වසංගතය සාර්ථකව මැඩ පැවැත්වීමට හැකිවීම යුධ ජයග්‍රහණයක් හා සමාන යැයිද අග්‍රාමාත්‍යවරයා මෙහිදී අවධාරණය කළේය. ඉදිරි දැක්මක් සහිත ගෝඨාභය රාජපක්ෂ ජනාධිපතිවරයාගේ සෞභා.Hයේ දැක්ම වැඩපිළිවෙළ හැට නව ලක්ෂයක් ජනතාව දැනටමත් අනුමත කර ඇති බැවින්, එම වැඩපිළිවෙළ ඉදිරියට ගෙන යාම සඳහා ශක්තිමත් පිරිසක් පාර්ලිමේන්තුවට අවශ්‍ය බව අග්‍රාමාත්‍යවරයා මෙහිදී වැඩිදුරටත් සඳහන් කළේය.
