ශ්රී ලංකාව හා සෞදි අරාබිය අතර මිත්රත්වය තව දුරටත් වර්ධනය කිරීමේ අරමුණින් සමරු මුද්දරයක් නිකුත් කිරීමට සෞදි අරාබිය පියවර ගෙන තිබෙනවා. ශ්රී ලංකාවේ විදේශ කටයුතු අමාත්ය විජිත හෙරත් මහතා සෞදි අරාබියේ කරන ලද සංචාරයකදී මෙම සමරු මුද්දරය ඔහු වෙත භාරදී තිබෙනවා.මෙම සමරු තැපැල් මුද්දරය නිකුත් කිරීමෙන් අනතුරුව විජිත හේරත් අමාත්යවරයා සිය X ගිණුමේ දැක්වූ සටහන පහත දැක්වේ.
ශ්රී ලංකාව සහ සෞදි අරාබිය අතර රාජ්ය තාන්ත්රික සබඳතා ස්ථාපිත කිරීමේ 50 වන සංවත්සරය සනිටුහන් කිරීම සඳහා සෞදි තැපෑල විසින් නිකුත් කරන ලද සමරු මුද්දර සෞදි අරාබියේ විදේශ කටයුතු අමාත්යවරයාගෙන් ලැබීම මට ගෞරවයක් විය. මෙය දෙරට අතර රාජ්ය තාන්ත්රික සබඳතාවල ඓතිහාසික අවස්ථාවක් සනිටුහන් කළේය. මිත්ර රටවල් දෙකෙහි විදේශ කටයුතු අමාත්යවරුන් වශයෙන්, අපගේ ඓතිහාසික හා කල් පවතින ද්විපාර්ශ්වික සබඳතා නව උසකට ඔසවා තැබීමට අපගේ අඛණ්ඩ කැපවීම අපි ප්රතිඥා දුන්නෙමු.
