අලුත්කඩේ ශ්රේෂ්ඨාධිකරණ කාර්ය මණ්ඩලයේ සිව් දෙනෙකු අද (20) කොවිඩ්-19 ආසාදිතයින් ලෙස හඳුනාගැනුණි.
ශ්රේෂ්ඨාධිකරණ කාර්ය මණ්ඩලයේ 100 දෙනෙකු පී.සී.ආර් පරීක්ෂණවලට යොමු කිරීමෙන් අනතුරුව ඔවුන්ව හඳුනාගෙන තිබේ.
අනුරාධපුර, ගල්නෑව නගරයේ වෙළෙඳසැලක සේවකයින් දෙදෙනෙකු කොරෝනා ආසාදිතයින් ලෙස හඳුනාගැනීමත් සමග එම නගරයේ ඔසුසැල් හැර අනෙක් වෙළෙඳැසැල් 100ක් පමණ අද වසා දැමූ බව අප වාර්තාකරු පැවසීය.
කතරගම නගරයේ හෝටලයකින් ආසාදිතයින් තිදෙනෙකු හඳුනාගෙන ඇති අතර මීට පෙර ද එම හෝටලයෙන් ආසාදිතයෙකු හඳුනාගැනුණු බව සෞඛ්ය අංශ සඳහන් කළහ.
එමෙන්ම හඟුරන්කෙත, මතුරට පොලීසියේ කාන්තා නිලධාරිනියකට ද කොරෝනා වෛරසය ආසාදනය වී ඇති බවට තහවුරු වී තිබේ.
