ශ්‍රී ලංකා – බංග්ලාදේශ ක්‍රිකට් තරගාවලියට කුමක් වේද ?
කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ නිර්දේශය ලැබුණු විගස ශ්‍රී ලංකා – බංග්ලාදේශ ක්‍රිකට් තරඟාවලිය වෙනුවෙන් දින වකවානු නියම කර ගන්නා බව ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරි ඈෂ්ලි ද සිල්වා මහතා පවසයි.
ඊයේ (24) කොළඹදි පැවති මාධ්‍ය හමුවකට එක්වෙමින් ඔහු මේ බව සඳහන් කළේය.
“බංග්ලාදේශ ක්‍රිකට් කණ්ඩායම දන්වා තිබෙනවා ඒ අයට අවශ්‍ය කරන්නේ මොනාවද යන්න. බංග්ලාදේශ කණ්ඩායම සංචාරය සඳහා පැමිණෙන්නේ සුමාන තුනකට පෙර. ඒ සුමාන තුන සඳහා එන්නේ බංග්ලාදේශ ක්‍රිකට් ආයතනයෙන් ගෙවීමක් කරලා, දැනට බංග්ලාදේශ කණ්ඩායම සංචාරය පටන්ගන්න කලින් මෙහෙ පුහුණුවීම් ආරම්භ කරන්න තමයි එයලාගේ බලාපොරොත්තුව. ඒ අයගේ අවශ්‍යතාවයන් ඒ අය අපිට දන්වලා තිබෙනවා ලිඛතව. ඒ අය දන්වපු ඉල්ලීම් අපි දන්වලා තිබෙනවා බලධාරීන්ට,“ යනුවෙන් ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරි ඈෂ්ලි ද සිල්වා මහතා පැවසීය.
තරග 3කින් සමන්විත ටෙස්ට් තරගාවලියක් සඳහා බංග්ලාදේශ ක්‍රිකට් කණ්ඩායම මේ මස 27 වැනිදා දිවයිනට පැමිණීමට නියමිත බව මීට පෙර වාර්තා විය.
මීට පෙර ප්‍රකාශයට පත් කර තිබු ණේ ටෙස්ට් තරගාවලියේ පළමු තරගය ඔක්තෝබර් 23 වැනිදා ඇරඹෙන බවය.
