අවිස්සාවේල්ලේ ගවුස් ගේ ගෝලයෙක් අත්අඩංගුවට
හෙරොයින් ජාවාරම්කරුවකු වන අවිස්සාවේල්ලේ “ගවුස්“ නැමැත්තාගේ ගෝලයෙක් හෙරොයින් සමඟ අත්අඩංගුවට ගෙන තිබේ.
සංවිධානාත්මක අපරාධ නිවාරණ කොට්ඨාසයට ලද තොරතුරක් අනුව හෙරොයින් ග්‍රෑම් 11යි මිලිග්‍රෑම් 342ක් සමඟ එම සැකකරු ඊයේ (28) බොරැල්ලේදී අත්අඩංගුවට ගෙන ඇත.
එලෙස අත්අඩංගුවට ගත් සැකකරු 48 හැවිරිදි ත්‍රීරෝද රථ රියදුරෙකි.
එම සැකකරු ප්‍රබල කුඩු ව්‍යාපාරිකයෙක් වන අවිස්සාවේල්ලේ ගවුස් නමැත්තාගෙන් කුඩු මිලදී ගෙන බොරැල්ල සහ අවට ප්‍රදේශවල අලෙවි කරන බවට අනාවරණය වී තිබේ.
සැකකරුව අද (29) මාළිගාකන්ද මහෙස්ත්‍රාත් අධිකරණය ඉදිරිපත් කර රැඳවුම් නියෝග ලබා ගැනීමට බලාපොරොත්තු වන අතර සිද්ධිය සම්බන්ධයෙන් වැඩිදුර විමර්ශන සංවිධානාත්මක අපරාධ නිවාරණ කොට්ඨාසය විසින් සිදුකරයි.
