පරිසර වාර්තා නොගත් කැලණි ගඟ දෙපස කර්මාන්ත ශාලා ගැන විමර්ශන ඇරඹේ
කැලණි ගඟ දෙපස පරිසර වාර්තා ලබා නොගත් කර්මාන්තශාලා සම්බන්ධයෙන් විමර්ශනය කිරීමේ කටයුතු ආරම්භ කර ඇති බව මධ්යම පරිසර අධිකාරිය පවසයි.
පසුගියදා විෂය භාර අමාත්ය මහින්ද අමරවීර මහතාගේ ප්රධානත්වයෙන් පැවති සාකච්ඡාවක දී කැලණි ගඟ දෙපස පරිසර වාර්තා ලබා නොගත් කර්මාන්තශාලා 4000ක් පමණ පවතින බවට අනාවරණය විය.
ඒ අනුව අදාළ කර්මාන්තශාලා සම්බන්ධයෙන් සොයාබැලීමේ කටයුතු ආරම්භ කර ඇති අතර ඉදිරියේ දී ඔවුන්ට එරෙහිව නීතිමය පියවර ගැනීමට නියමිතය.
කඩුවෙල සිට පෑලියගොඩ පාලම දක්වා කැලණි ගඟ දෙපස කර්මාන්තශාලා 7000 ක් පමණ ඇති අතර ඉන් පරිසර වාර්තා ලබාගෙන ඉදිකර ඇත්තේ කර්මාන්තශාලා 3000 ක පමණ ප්රමාණයක් බවට අනාවරණය වී ඇත.
කොළඹ නගරයට ජලය සපයන ප්රධානතම ගංගා මූලාශ්රය වන කැලණි ගඟ අපවිත්ර වුවහොත් පානීය ජලය සපයා ගැනීමේදී ඉදිරියේ දී ගැටලු සහගත තත්ත්වයක් උද්ගත විය හැකි බව සඳහන් වේ.
මේ හේතුවෙන් අදාළ කර්මාන්තශාලා මඟින් නිකුත් කරන අපද්රව්ය හේතුවෙන් කැලණි ගඟ අපවිත්ර වීමේ තත්ත්වය වළක්වා ගැනීම සඳහා කඩිනම් පියවර ගන්නා බව මධ්යම පරිසර අධිකාරිය සඳහන් කළේය.
එමෙන්ම කර්මාන්තශාලාවලින් බැහැර කරන අපජලය බැහැර කිරීමේ ක්රියාවලිය ද වහාම අධ්යයනය කිරීම සම්බන්ධයෙන් අවධානය යොමුව ඇති බව එම අධිකාරිය වැඩිදුරටත් පැවසීය.
