කැලණි සරසවියේ සිසුවියකටත් කොවිඩ්
කැලණිය විශ්වවිද්‍යාලයේ ශිෂ්‍යාවකට ද කොවිඩ් -19 වෛරසය ආසාදනය වී ඇති බවට අනාවරණය වී තිබේ.
සමාජ විද්‍යා පිඨයේ සංඛ්‍යාන අධ්‍යයන අංශයේ අධ්‍යාපනය හදාරන සිසුවියකට මෙලෙස කොවිඩ් -19 වෛරසය ආසාදනය වී ඇති බව අනාවරණය වී ඇත.
ඇය මිනුවන්ගොඩ ප්‍රදේශයේ පදිංචිකාරිනියක් වන අතර ඇයගේ පියා මිනුවන්ගොඩ ඇඟලුම් කර්මාන්ත ශාලාවේ සේවය කර ඇති බව සඳහන් වේ.
අදාළ සිසුවිය සමග සිටි තවත් සිසුවියන් දෙදෙනෙකු ද PCR පරික්ෂණයට භාජනය කර ඇති බව කැලණිය විශ්වවිද්‍යාලයේ මාධ්‍ය අධ්‍යක්ෂ ජ්‍යෙෂ්ඨ කථිකාචාර්ය විජයානන්ද රුපසිංහ මහතා සඳහන් කළේය.
මේ අතර කොරෝනා වෛරස ආසාදිතයෙකු හඳුනාගැනුණු ශ්‍රී ජයවර්ධනපුර විශ්වවිද්‍යාලයේ ඉදිරි අධ්‍යන කටයුතු සම්බන්ධයෙන් හෙට (12) දිනයේ අවසන් තීරණයක් ගන්නා බව උපකුලපති ජ්‍යෙෂ්ඨ මහාචාර්ය සුදන්ත ලියනගේ මහතා පවසයි.
එතෙක් කිසිදු සිසුවෙක් විශ්වවිද්‍යාල පරිශ්‍රයට පැමිණීමෙන් වළකින ලෙස ඔහු ඉල්ලා සිටී.
