චීනය සහ අමෙරිකාව අතර පවතින අර්බුදයට මැදිහත්වීම මෙරට කාර්යයක් නොවන බව චීන – ශ්‍රී ලංකා තානාපති ආචාර්ය පාලිත කොහොන මහතා පවසයි.
ඔහු පවසන්නේ රටේ භෞමික අඛණ්ඩතාව ආරක්ෂායව කරගැනීම ඉතා වැදගත් වන අතර ඒ සම්බන්ධයෙන් ජනාධිපති ගෝඨාභය රාජපක්ෂෂ මහතාට පැහැදිලි දැක්මක් පවතින බවය.
වැඩිදුරටත් අදහස් දැක්වු ආචාර්ය පාලිත කොහොන මහතා,
“චීනය හා ලංකාව අතර විශිෂ්ට සම්බන්ධතාවයක් තිබෙනවා. ඒ සම්බන්ධතාවය වඩාත් හොඳ පදනමක් මත, වඩාත් දියුණූ පදනමක් මත තැබීමයි මගේ පරමාර්ථය. ඔබ දන්නවා මුල සිටම අප අනුගමනය කළේ, නොබැඳි පිළිවෙතක්. අපේ ජනාධිපති තුමා එය පැහැදිලිව කියලා තියෙනවා. දැන් චීනයත් අමෙරිකාවත් අතර අර්බුදයක් තිබුණට ඒ අර්බුදය විසඳා ගැනීමේ වගකීම තියෙන්නේ ඒ දෙපාර්ශවයටයි. ඒ අර්බුදයට අතපෙවීම අපගේ කාර්යක් වන්නේ නෑ. අපගේ සුභසිද්ධිය හා සෛවරීභාවය හා භෞමික අඛණ්ඩතාවය ආරක්ෂා නොවන විදියටයි අප කටයුතු කළ යුත්තේ. මං හිතන්නේ ජනාධිපති තුමාට තියෙනවා ඉතාම පැහැදිලි ප්‍රතිපත්තියක් මේ සම්බන්ධයෙන්. ඔහු කියා සිටිනවා පැහැදිලිවම අපි නොබැඳි රටක් අපි මධ්‍යස්ථ රටක් ඒ නිසා ලෝක බලවතුන් කුමන ආකාරයකින් කුලල්කා ගත්ත ද එයට මැදිවීම අපගේ අරමුණක් නොවේ කියලා.“
