මර්ගගත “Online” අධ්යාපන ක්රමවේදය හරහා අධික ලෙස ඩිජිටල් දෘශ්ය පථ මතට නිරාවරණය වීමෙන් දරුවන්ට දෘෂ්ටි ඌනතා මතුවීමේ ප්රවනතාවක් ඇතැයි මාතර මහ රෝහලේ අක්ෂි ශල්ය විශේෂඥ වෛද්ය ප්රියංග ඉද්දවෙල මහතා පෙන්වා දෙයි.
මේ පිළිබඳ “අද දෙරණ” ට අදහස් දැක්වු වෛද්යවරයා,
“Onlineවලට ගියාට පස්සේ එකම දුරක තිබෙන එකම දෙයක් දිහා පැය ගාණක් බලාගෙන ඉන්නවා. ඒක අපේ මොළයට සහ ඇස අවට තිබෙන පේශීවලට දැනෙන හින්දා ඇස වටා රිදෙනවා වගේ, හිසේ කැක්කුමක් වගේ එහෙම නැත්නම් කඳුළු එනවා වගේ තත්ත්වයක් එන්න පුළුවන්. සමහර විට එතනින් එහාට ගිහින් ක්ලාන්තයක්, කැරකැවිල්ලක්, වමනය දක්වා පරිවර්තනය පුළුවන්. පාසල් සිසුන්ගේ සායනවල නම් සියයට 60 – 70 ක්ම එන්නේ ඔය ප්රශ්නේ එක්ක දැන්. පුළුවන් හැම විනාඩි 20කට සැරයක් ම තත්ත්පර 20ක් ඇහැට විවේකයක් දෙන්න “
මේ අතර සෞඛ්ය මාර්ගෝපදේශවලට යටත්ව යළි උපකාරක පංති ආරම්භ කිරීමට අවස්ථාව දෙන ලෙස සමස්ත ලංකා වෘත්තීය දේශකවරුන්ගේ සංගමය ඉල්ලීමක් කරයි.
