නැගෙනහිර යුක්‍රේනයේ හමුදා ක්‍රියාන්විතයක් අරඹන බව රුසියානු ජනාධිපති පුටින් නිවේදනය කිරීම ඊට එක් හේතුවක් වන්නට ඇති බව ද විදෙස් මාධ්‍ය පවසයි.
නැගෙනහිර යුක්‍රේනයේ හමුදා මෙහෙයුම් ආරම්භ කිරිම සම්බන්ධයෙන් රුසියානු ජනාධිපති ව්ලැද්මීර් පුටින් නිල වශයෙන් නිවේදනය කර තිබේ.
එරට රූපවාහිනිය ඔස්සේ ප්‍රකාශයක් සිදුකරමින් පුටින් සදහන් කර ඇත්තේ නැගෙනහිර යුක්‍රේනයේ ඩොන්බාස් ප්‍රදේශයේ හමුදා මෙහෙයුම් ආරම්භ කරන බවය.
ඒ අනුව අවි බිම තබා නිවෙස් වෙත යොමුවන ලෙස එම කලාපයේ රැඳී සිටින යුක්‍රේන හමුදා සෙබළුන්ගෙන් තමා ඉල්ලීමක් කරන බව ද රුසියානු ජනාධිපතිවරයා සඳහන් කර තිබේ.
පවතින තත්ත්වය හමුවේ යම් හෙයකින් ලේ වැගිරීමක් සිදුවුවහොත් ඊට යුක්‍රේනය වගකිව යුතු බව ඔහු සඳහන් කර ඇත.
මේ අතර රුසියානු හමුදා යුක්‍රේනය වෙත යැවීම නවතා දමන ලෙස එක්සත් ජාතීන්ගේ සංවිධානයේ මහලේකම් ඇන්ටෝනියෝ ගුටේරස් රුසියානු ජනාධිපති ව්ලැද්මීර් පුටින්ගෙන් ඉල්ලීමක් කර තිබේ.
මේ වන විටත් රුසියානු හමුදා යුක්‍රේනයේ නගර දෙකක් වෙත ළඟා වී ඇති බව විදෙස් මාධ්‍ය වාර්තා කරයි.
යුක්‍රේනයේ කිව් අගනුවර කිසියම් පිපිරීමක් සිදුව ඇති බවට ද තොරතුරු වාර්තා වී තිබේ.
පවතින තත්ත්වය හමුවේ කිව් ජාත්‍යන්තර ගුවන්තොටුපොළේ රැඳී සිටි මගීන්ට සහ කාර්ය මණ්ඩලයට ඉවත් වන ලෙස බලධාරින් විසින් දැනුම් දී ඇති අතර ගුවන් මෙහෙයුම් කටයුතු ද අවලංගු කර ඇති බව වාර්තා වේ.
