තම රටට රුසියානු මිසයිල ප්‍රහාර එල්ලවන බව යුක්‍රේනය නිවේදනය කරයි.
මේ අතර යුක්‍රේන ජනාධිපති වොලොදිමීර් සෙලෙන්ස්කි විසින් එරට පුරා “හමුදා නීතිය” පනවා තිබේ.
කලබල නොවී සිටින ලෙස ඔහු සිය රටවැසියන්ගෙන් ඉල්ලා සිටී.
තමා ඊයේ (23) රුසියානු ජනාධිපති ව්ලැද්මීර් පුටින් ට දුරකථනයෙන් කතා කිරීමට උත්සාහ කළ බවත් එය අසාර්ථක වූ බවත් යුක්‍රේන ජනාධිපතිවරයා පැවසීය.
මේ අතර විදෙස් මාධ්‍ය පවසන්නේ කියුව් අගනගරයට ද මිසයිල ප්‍රහාර කිහිපයක් එල්ලවී ඇති බවය.
