සැප්තැම්බර් මස මුලදී ත්රස්තවාදය වැළැක්වීමේ පනත අහෝසි කරන කෙටුම්පත ගැසට් කිරීමට කටයුතු කරන බව විදේශ අමාත්ය විජිත හේරත් පවසයි.“ත්රස්තවාදය වැළැක්වීමේ පනත අහෝසි කරනවා කියන එක අපේ ප්රතිපත්ති ප්රකාශයේ පැහැදිලිව සඳහන් වෙන දෙයක්. සැප්තැම්බර් මුල වෙනකොට ත්රස්තවාදය වැළැක්වීමේ පනත අහෝසි කරන කෙටුම්පත ගැසට් කරන්න අපි කටයුතු කරනවා.”22 පාර්ලිමේන්තුව අමතමින් ඔහු මේ බව සඳහන් කළේය.විදේශ කටයුතු අමාත්ය විජිත හේරත් පාර්ලිමේන්තුව කල්තැබීමේ අවස්ථාවේිදී විවාදයට එක්වෙමින් කළ කතාවට මුළු පාර්ලිමේන්තුවේම අවධානය යොමුවිය.අනුරකුමාර දිසානායක ජනාධිපතිධූරයට පත්වූවාට පසුව තිදෙනෙකුගෙන් සමන්විත කැබිනට් මණ්ඩලයක් තුළින් පාර්ලිමේන්තු මහමැතිවරණයක් පැවැත්වෙන තෙක් රට පාලනය කළ බවත් පැමිණි අභියෝගවලට සාර්තකව මුහුණදීමට හැකිවූ බවත් විජිත හේරත් අමාත්යවරයා විසින් ප්රථමයෙන්ම පෙන්වාදෙන ලදී.වර්තමාන ආණ්ඩුව මානවහිමිකම් රකිමින් ප්රජාතන්ත්රවාදී ලෙස රට පාලනය කරන බව ප්රායෝගිකව පෙන්වා ඇති බවත් උතුරු නැගෙනහිර සිදුවුනායැයි කියන සිද්ධි සම්බන්ධයෙන් දේශීය යාන්ත්රණයක්තුළ අවශ්ය ක්රියාමාර්ග ගන්නාබවත් විජිත හේරත් අමාත්යවරයා සඳහන් කළේය.මෙරට අධිකරණය මුළුමනින්ම ස්වාධීන බවත් මේවනවිට කිසිදු දේශපාලන බලපෑමක් නීතියට අධිකරණයට එල්ලනොවන බවත් ඒ නිසා රටේ නීතිය පිළිබඳව ජාත්යන්තරයටද විශ්වාසයක් පවතින බවද විජිත හේරත් අමාත්යවරයා විසින් පෙන්වාදෙන ලදී.රටේ ජනතාවගේ කැමැත්ත අනුව ජනමත විචාරණයකට ලක්කිරීමෙන් අනතුරුව නව ආණ්ඩුක්රම ව්යවස්ථාවක් රටට ලබාදෙන බවත් අපරාධකරුවන්ට බේරීමට නොහැකිවන ආකාරයට නීති සම්පාදනයකොට ත්රස්තවාදය වැළැක්වීමේ පනත ඉදිරියේදී අහෝසිකරන බවද විජිත හේරත් අමාත්යවරයා ප්රකාශ කළේය.
