ජනතා විමුක්ති පෙරමුණ ප්රමුඛ වර්තමාන මාලිමා ආණ්ඩුව ඉදිරියේදී පොරොන්දු දෙනවා නම් ලෝක තත්ත්වයන් හමුවේ වෙනස් විය හැකි බව යනුවෙන් සඳහන් කරමින් ජනතාවට පොරොන්දු ලබා දිය යුතුව තිබෙන බව සමගි ජන බලවේගයේ පාර්ලිමේන්තු මන්ත්රී සුජීව සේනසිංහ අද(19) පාර්ලිමේන්තුවේදී ප්රකාශ කළා. මන්ත්රීවරයා ප්රකාශ කරන්නේ වාහන මිල ඉහළ යාම ඇතුළු අනෙකුත් තත්ත්වයන් සහ අනෙකුත් දේවල්වල මිල ඉහළ යාම ලෝක තත්ත්වය හමුවේ සිදුවී ඇති බවට මුදල් නියෝජ්ය අමාත්යවරයා ප්රකාශ කරන බවයි.නමුත් බලයට පත්වීමට පෙර පොරොන්දු ලබා දෙන විට ලෝක තත්ත්වයන් ගැන කිසිවක් නොකිවූ බවත් සියලුම දේවල් ඔවුන්ට හැකිය යනුවෙන් ප්රකාශ කළ බවත් ඒ අනුව මින් ඉදිරියේදී පොරොන්දු ලබා දෙනවා නම් ලෝක තත්ත්වයන් හමුවේ වෙනස් වියහැකිය යනුවෙන්ද ආණ්ඩුව පොරොන්දු ලබා දිය යුතුව තිබෙන බවද මන්ත්රීවරයා විසින් පෙන්වා දෙනුු ලැබුවා.තමන්ට ප්රායෝගිකව සිදුකිරීමට නොහැකි දේවල්වලට විශාල පොරොන්දු ලබා දෙමින් වර්තමාන ආණ්ඩුව ජනතාව මුලා කර ඇති බව මේ වන විට ජනතාව හොඳින්ම තේරුම් ගෙන ඇති බවද මන්ත්රීවරයා සඳහන් කළා.මැදපෙරදිග අර්බුදයට වඩා දස ගුණයක අර්බුදයක් කොවිඩ් ලෝක වසංගතය සහ ලෝක ආර්ථික අර්බුදය හමුවේ ගෝඨාභය රාජපක්ෂ හිටපු ජනාධිපතිවරයාට මුහුණ දීමට සිදුවූ බවත් ඒ ගැනද වර්තමාන ආණ්ඩුව ඉතා හොඳින් සිහි තබාගෙන ක්රියා කළ යුතුව තිබෙන බවද සුජීව සේනසිංහ මන්ත්රීවරයා විසින් වැඩි දුරටත් ප්රකාශ කළා.
