හෙරොයින් මත්ද්රව්ය ප්රවාහන කළ පුද්ගලයෙකු සහ කාන්තාවන් දෙදෙනෙකු මෝටර් රථයක් සමග ගිරිඋල්ල පොලිසිය අත්අඩංගුවට ගෙන තිබේ.
මේ සම්බන්ධයෙන් අරුණ වෙබ් අඩවිය ගිරිඋල්ල පොලිස් ස්ථානාධිපතිවරයාගෙන් සිදුකළ විමසීමකදි ඔහු පැවසුවේ ලද තොරතුරකට අනුව අදාළ මෝටර් රථයට ගිරිඋල්ල පොලිස් බල ප්රදේශයේදි නැවත්වීමට උත්සාහ කළ ද, එම රථය නොනවත්වා ධාවනය කිරීම හේතුවෙන් පසුපස ලුහුබැද ගොස් පන්නල ප්රදේශයේදි මාර්ගය හරස් කර එම රථය නවත්වා ගත් බවයි.
එම අවස්ථාවේදි රථය පැදවූ පුද්ගලයාට මෝටර් රථයෙන් පිටතට බසින ලෙසට අණකළ ද ඔහු එය ප්රතික්ෂේප කර පලායාමට උත්සාහ කළ අවස්ථාවේදි රථයේ පිටුපස ටයරයට පොලිස් නිලධාරීන් විසින් වෙඩි තබා ඇත.
ඉන් පසුවද මෝටර් රථයෙන් පිටතට පැමිණීමට ඔහු අකමැත්ත පලකිරීම නිසා පොලිස් නිලධාරීන් විසින් රථයේ වීදුරුවක් බිද දොර විවෘත කර තිබේ.
එම අවස්ථාවේදි මෝටර් රථයේ පිටුපස සිටි කාන්තාවන් දෙදෙනෙකු සහ රථය පැදවූ පුද්ගලයා පොලිසිය විසින් අත්අඩංගුවට ගෙන තිබේ.
රථය සෝදිසි කළ අවස්ථාවේ එහි තිබී හෙරොයින් ග්රෑම් 15කට ආසන්න ප්රමාණයක් සොයාගත් බව ගිරිඋල්ල පොලිස් ස්ථානාධිපතිවරයා පැවසීය.
අත්අඩංගුවට පුද්ගලයින් හෙට (23) දිනයේ අධිකරණයට ඉදිරිපත් කිරීමට නියමිතයි.
