මැතිවරණය දිනයේ පෙරවරුවේම ඡන්ද පොළට ගොස් පොහොට්ටුව ඉදිරියේ කතිරය ගසා තමන්ගේ වටිනා ඡන්දය භාවිතා කරන්න…
මැතිවරණය දිනයේ පෙරවරුවේ ම ඡන්ද පොළට ගොස් පොහොට්ටුව ඉදිරියේ කතිරය ගසා තමන්ගේ වටිනා ඡන්දය භාවිතා කරන්නැයි ශ්‍රී ලංකා පොදුජන පෙරමුණේ නායක අග්‍රාමාත්‍ය මහින්ද රාජපක්ෂ මහතා ජනතාවගෙන් ඉල්ලයි. අද (2020.07.27) පෙරවරුවේ කුරුණෑගල මාවතගම ප්‍රදේශයේ පැවති හමුවකදී අග්‍රාමාත්‍යවරයා මේ බව සඳහන් කළේය.
හැටනව ලක්ෂයක් ජනතාවගේ ඡන්දයෙන් පත් වූ ජනාධිපති ගෝඨාභය රාජපක්ෂ මහතාගේ වැඩපිළිවෙළ ඉදිරියට ගෙනයාම සඳහා ඔහුට සහය දක්වන පාර්ලිමේන්තුවක් සහ කැබිනට් මණ්ඩලයක් අත්‍යවශ්‍ය වී තිබේ. දිවයින පුරා ජනතාවට පිරිසිදු පානීය ජලය ලබාදීමේ වැඩපිළිවෙළ, පාසැල් ගොඩනැගීම, රෝහල් ගොඩනැගීම සහ මහා පරිමාණ සංවර්ධන යෝජනා ක්‍රම ඇතුළු වැඩසටහන් රැසක් ද ආරම්භ කිරීමට ජනාධිපතිවරයා මේ වන විටත් සැලසුම් සකස් කොට තිබේ.
එම සැලසුම් ක්‍රියාත්මක කිරීමට නම් ඔහුට සහය දක්වන පාර්ලිමේන්තුවක් තිබිය යුතු ය.
මේ සම්බන්ධයෙන් අවධානය යොමු කොට තුනෙන් දෙකක බලයක් සහිත පොදුජන පෙරමුණු රජයක් පිහිටුවීම සඳහා ඡන්දය දා පෙරවරුවේ ම ඡන්ද පොළට ගොස් පොහොට්ටුව ඉදිරියේ කතිරය ගසා තමන්ගේ වටිනා ඡන්දය භාවිතා කරන්නැයි අග්‍රාමාත්‍යවරයා මෙහිදී ජනතාවගෙන් ඉල්ලා සිටියේය.
