මරණ දඬුවම හිමි වූ චොකා මල්ලිට මැතිවරණයට තරඟ කිරීමට කිසිම බාදාවක් නෑ.
මරණීය දණ්ඩනය නියම කර දැනට බන්ධනාගාරගත කර සිටින හිටපු පාර්ලිමේන්තු මන්ත්‍රී ප්‍රේමලාල් ජයසේකර මහතා හෙවත් චොකා මල්ලිට මෙවර පාර්ලිමේන්තු මහ මැතිවරණය සඳහා තරඟ කිරීමට කිසිදු බාධාවක් නොමැති බව මැතිවරණ කොමිෂන් සභාව ප්‍රකාශ කරයි. නමුත් ඔහු මැතිවරණ ජයග්‍රහණය කළහොත් පාර්ලිමේන්තුව පත් කිරීම සම්බන්ධයෙන් නීති උපදෙස් ගැනීමට සිදුවන බව ද කොමිසමේ සභාපති මහින්ද දේශප්‍රිය මහතා සඳහන් කරයි. මේ අතර ශ්‍රී ලංකා පොදුජන පෙරමුණේ මහ ලේකම් නීතීඥ සාගර කාරියවසම් මහතා සඳහන් කළේ ප්‍රේමලාල් ජයසේකර මහතාට අධිකරණය විසින් ලබා දී ඇති තීරණය මැතිවරණය සඳහා බාධාවක් නොවන බවත් ඔහුට රත්නපුර දිස්ත්‍රික්කය ජනතාව වෙනුවෙන් කටයුතු කිරීමට හැකියාව පවතින බවත් ය.
