පාර්ලිමේන්තුවේ සිදුවන ඕනෑම ක්රියාවලියක දී ජනපතිට සහ අගමැතිට සහය දෙනවා – ශ්රීලනිප
2020 පාර්ලිමේන්තු මැතිවරණයෙන් ශ්රී ලංකා නිදහස් පක්ෂයෙන් තේරිපත් වු මන්ත්රීවරුන්ගේ සහය ජනාධිපති ගෝඨාභය රාජපක්ෂ මහතාට ලබාදෙන බව එම පක්ෂයේ මහ ලේකම් දයාසිරි ජයසේකර මහතා පැවසීය.
2020 පාර්ලිමේන්තු මැතිවරණයෙන් ජයගත් ශ්රී ලංකා නිදහස් පක්ෂයේ නියෝජිතයන්ගේ හමුවක් අද (09) කොළඹ පිහිටි එම පක්ෂ මුලස්ථානයේ දී පක්ෂ සභාපති මෛත්රිපාල සිරිසේන මහතාගේ ප්රධානත්වයෙන් පැවැත් විය.
එහිදි වැඩිදුරටත් අදහස් දැක්වු පක්ෂයේ මහ ලේකම් දයාසිරි ජයසේකර මහතා පැවසුවේ ඉදිරියේ දී පාර්ලිමේන්තුවේ සිදුවන ඕනෑම ක්රියාවලියක දී ජනාධිපතිවරයාට සහ අග්රාමාත්යවරයාට සියයට සියයක්ම සිය පක්ෂයේ සහයෝගය ලබා දෙන බවය.
